تغطو يابنات جاكم سعودي

[مراسل غرابيل]

يا بنت هذا سعودي ....!!

كالعاده شي بالعين تصدقه أكثر إن كان تكذب كلام الناس وهذا هو الواقع نبدأ الجوله

مشاهد وشاهد !!! ( موجهه لك ولكي)

تغطي يابنت هذا سعودي!!

طيب ليش ليش ؟؟؟

الموضوع صريح ويتحدث عن واقع نعيشه

وهنا بنقل لكم بعض المشــــاهد

المشهد الأول

^^^^^^^^^^^

فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي تغطي كأنها ما كانت تكلم رجال زيه زي اللي دخل وغطي يا بنت سعودي.

المشهد الثاني

^^^^^^^^^^^

إمرأة تخرج للسواق أو العامل في المنزل بملابس عادية لا عبايه ولا ما يحزنون بحجة أنه أجنبي عادي تكلمه بدون ما تغطي عليه ولو دق الباب سعودي قالت غطي يا بنت سعودي.

المشهد الثالث

^^^^^^^^^^^

بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ منه الطلب مع الشكر والتقدير وغطي يا بنت سعودي.

المشهد الرابع

^^^^^^^^^^^

مجموعه من الفتيات في أحد المجمعات أو في أي مكان ودهم يسألوا عن شي صادفوا شخص لابس جينز وقميص لو سمحت يرد سمي آووه آآآآسفين وغطي يا بنت سعودي < طلع سعودي.

وغيرها من المشاهد كثيررررررررررررررررر

طبعا كل المشاهد بمباركة الأب والإخوان وشي عادي لو شاف بنته أو أخته تكلم أجنبي عكس لو شافها تكلم سعودي .....

قد يكون هذا التصرف عن غباء أو جهل إلخ.... يعني من الممكن أن تكون هذه الفتاه على خلق ومحترمة لكن مالقت من يوجهها إن معاملة الأجنبي لازم تكون زي معاملة السعودي ومعاملة أي غريب

معليش شباب وبنات هذا الواقع اللي عايشين فيه0000 للاسف

[خــــالـــــد]

صدقت أخوي مراسل غرابيل !!

لكن يبقى عندنا بنات أفضل من هؤلاء الموجودين بالمشاهد الموجودة في الأعلى

هذه مشاهد نراها ونسمع عنها كثيراً ... لكن لو نتكلم بصراحة أخوي .. نجد أن السعودي

معاملته مع النساء جافة وذات تفكير ضيق ومدخل ضيق !! أغلبنا كشباب سعوديين

نعرف ماذا نريد عندما نتكلم مع فتاة ... أكيد عارفين أنتوا !!

لكن هذا غلط علينا ... وغلط على البنات اللي مايتغطى من الأجنبي وتتغطى من السعودي

فالسعودي كالأجنبي .. والأجنبي كالسعودي

ألف شكر مراسل غرابيل





تحياتي

[ziko]

صـــــــــــــــــــــــا دق يالمراسل

[ااالامبراطور]

غطي يابنت سعودي



غطي يابنت سعودي




غطي يابنت سعودي





بس بيني وبينك معهم حق



السعودي مشفوح ماينزل نظره عن البنت


ولو شافها ماخذه راحتها بيرقمها على طول


ويمكن يلحقها لين توصل البيت



يعني الخطأ مشترك بين تغطي يابنت وبين السعودي



تحياتي لك اخوي مراسل غرابيل


.

[م.عبدالله]

اذا كان اعتراضك على كون المراه تكشف عن نفسها امام الاجنبي ... فانا اؤيدك


واذا كان اعتراضك على انها لا تكشف عن نفسها امام السعودي,... فقم بس قم


سمعنا هذه القصه كثيرا


تغطو تغطو...

لا عادي هذا راجو...

يؤ خرعتنا يا راجو نحسبك ابو فلان ههههههههههههههههههه

عالعموم الموضوع فيه جهل واللي تسوي هالشي هي نفسها اللي تسافر بره وتكشف شعرها بالطياره لانهم (ما يعرفونها) وكانها تلبس الحجاب للناس مو لرب العالمين ومخافة منه...

الله يا اني شفتلي وحده بجمارك القاهره امس

اوووووووووووووووووووووووو ووووووف

مدري لو تلبس هاللبس بالسعوديه شيصير ههههههههههههههههههههه

برب قبل انطرد

<<< مشرف ينطرد

[الضبيب]

فعلا الضاهره هذي موجودة وبكثرة وقد شاهدتها بنفسي في اكثر من مره بالاسواق النسائية وسمعت تغطي جاك سعودي ولاحول ولا قوة الا بالله
كن مافيه رجال غير السعوديين اما الاجانب محلل لهم النظره والكلام وهذا ان دل على شي يدل على هيبة الرجل السعودي الذي لايرضى ان يتنازل عن مبادئ دينه
وشموخه وعدم تنزيل مكانته

[طــــارق]

اخوى مراسل غرابيل

فعلا كل المشاهد الى ذكرتها موجوده 00ولكن هذا

لايمكن تعميمه فى المقابل نجد بنات على مستوى

من الالتزام والحشمه مع السعودى والاجنبى

ومثل ما ذكرت اخى الكريم الاهل لهم دور كبير

فى هذه التربيه الخاطئه 00

يعطيك العافيه على هذا الموضوع الراااااائع الذى فيه

شى مهم الكثير يجهل اهميته ويعتبره مجرد ظاهره

تسلم يمينك
تحيــــــــ طارق ـــــيــاتــى

[أبوحميد]

[ :o أيش الفرق
|512| طيب إذا أخذت راحته مع الأجنبي ليــــش:سوسي:




|529| مو رجال زي السعودي مو كلهم زي بعض:سوسي:



|529| السعودي رجال و|512| الأجنبي رجال:سوسي:


:سوسي: بس ماقول الله يهديكم يابنات:سوسي:


ملاحضة:السعودي أرجــــــــل|529|

[فكر]

معليش شباب وبنات هذا الواقع اللي عايشين فيه0000 للأسف

كلمات لم أتوقع أن يختتم بها موضوع كهذا
أخي بما انك حكمت على أن تلك الأمور الشاذة عند بعضهن واقع
فلم تريد من الجميع مناقشة أمر ا جعلته من و اقعهم أما لفرضيته عليهم أو
لقبولهم إياه مرغمين
أنت من يطالب هنا بالواقعية وان تكون اكثر تحديدا في إطلاق الحكم
فالحمد لله بناتنا في مجتمعاتنا التي لا زالت تحافظ على دينها قبل عاداتها وتقاليدها
لا تسمح بفعل مثل تلك السخافة سوى مع أجنبي أو سعودي
وثق أن من سمعت منهن تلك المقولة
يا بنت هذا سعودي
هم من سمحوا لأنفسهن بتعدي اقل ما أقول عنه حدود الأخلاق
أما البقية الباقية التي منهن أختي وأختك زوجتي وزوجتك بنتي وبنتك أمي وأمك
وووووووووووووووو بلا تحديد
الكل منهن عماد كل خلق حميد هذا إذا قلنا أننا لا نريد أن نتطرق للأمر الديني
في ذلك لكي لا نقول حلال أو حرام ونفتي بما ليس لنا به
رغم أن الدين قد وضع الحد في أمر الحجاب والتستر
إذا أخي العزيز لا ندع الشواذ يفرضون العمومية فنفرض الواقعية على مجتمعنا
الذي هو بحمد الله مهبط الوحي ومنطلق الرسالة المحمدية التي ساندتها في أول
ما بدأت تلك الامرأة
ولا ننسى اننا الان قد بلغناعشرين مليون نسمة تقريبا فهل التعميم بالواقعية واقع؟
همستي
نحن لا نختلف ولكننا نرى الأمور من زوايا مختلفة
فكر

[غـــ نـجـد ــلا]

[align=center]
اولا مشكووووووووور اخي مراسل غرابيل على فتح الموضوع هذا

تبون الصراحة والله هذا شيء يقهررررررر انك تشوف بعض النساء
اذا دخلت محل ولقت اللي يبيع مو سعودي تلقاها تفتح غطاها والسبب
مو على قولتكم لانه السعودي جاف ومن هالكلام لا والله
السبب لانه تعتبر الاجنبي مثل الانسان الآلي ما له قلب ولا عواطف
وهو العكس الاجااااااانب هم اللي وراااااهم بلاوي وياما سمعنا
عن قصص تحصل في محلات بيع الملابس وغيرها من الاجااااانب
باستدراج بعض النساء والاغلب اللي اللي يشيلون الغطاء اذا دخلوا المحل
وبالاخير تحصل المصيبة فووووووووق راسها

بالعكس السعودي مؤدب واخلاق واصلا الحرمة اللي تفتش بالشوارع
تطيح من عينه لانه اخذها لعبة ولا يحترمها اصلااااااااا


وآآآآآآآآآآسف على الاطااااااااالة
والعذر والسموحة كان اني غلطت على احد[/align]

[رحـــــــــال]

اشكرك اخي مراسل غرابيل
على طرحك للموضوع هذا
لاني بصراحه عايشت هذا الموضوع في الواقع
بعد تخرجي من الجامعه وبعد ماحفيت ادور وضيفه
مالقيت الا وضيفة كاشير في احد المحلات الكبرى
وكان لابد من الاتزام بالزي الرسمي للشركه وهو القميص والبنطلون
وكنت دايم الاحظ ان النساء السعوديات بجميع اعمارهم
يفاجئون عند طلبهم لخدمة معينه اني سعودي
واقابل بصد غير طبيعي واكاني بعـبع النساء
وبالعكس عندما يتوجه لمساعدتهم احد عمال المحل الاجانب تجد سعة الصر والترحيب منهن
ليييييييييييييييييييه مادري
مع العلم باني احرص عليها اكثر من الاجنبي
والله يشهد على كلامي ومعاملتي لهن كأنهن اخواتي

ولاكن في غالب الضن ان احساسهن امام الرجل السعودي بالخجل هوه السبب
بينما الاجنبي دق خشمه خله يخدمنا وهو مايشوف الطريق
والله العالم



رحـــــــــــــــال

[&&جوري&&]

بااااااااااااااااااااك وبااااااااااااااااااااااا اااااااااااااااك

معليش تحملوووووووووني شوي


العامل المشترك في الموضوع التربية

خلونا نفكر بواقعية ومنطقية .... ليش البنت ترتاح للأجنبي و ماتقبل السعودي في المحل


مع إن محلات الذهب من عرفتها وكلها سعودييييييين

وزي ماقالت أختي غلا السعودي محترم و هو ولد البلد و مانقول إن بعضهم لا يخلو شوووي من اللقافة

بس بعد البنت لازم تكون شوي عندها غيره على نفسها ... وماتكون مكان فتنة لغيرها

و قبل كل شي متى ما الولد فرض شخصية واحترامة على الغير مو بس بالكلام حتى بالتعامل واللبس

وبعد البنت فرضت هيبتها ومكانتها وعزتها بحجابها وكلامها

ما راح نلقى مشكلة ...... و معليش قهرتني جملة تغطوا هذا سعودي

سي يو

[غـــ نـجـد ــلا]

[align=center]معليش حبيت اعلق على كلام رحــــــال
انا معك بكل الكلااااااااااااااااام اللي قلته وصح لساااانك
وبالعكس انا عن نفسي افتخر اذا شفت في المحلات يبيع سعوووووودين
واني اقول الله يكثرهم على الاقل محترررررمين
بس انه احيانا اذا بغيت اطلب طلب استحي اناااااااادية ما ادري ليش
يمكن عشانه مثلي سعودي احس انه بيستحي خاصة اذا كانت
اللي قدامه وحده محترمه نفسها
اما اللي اجنبي اسمحولي وجه مغسوووووول بمرق [/align]

[ونة حزن]

مشكوووووووووور أخوي عالموضوع


كلام كله صج في صج

والله

شو يعني الهندي مب رجال

تسلم أخوي عالموضوع

[ريمـــا]

*

السلام عليكم ورحمة الله وبركاته

في البدء .. يسعدني أن تكون أولى مشاركاتي معكم احبتي

بهذا الموضوع المهم ..



لو نظرنا للموضوع من وجهة نظر شرعية فلن يختلف عليها اثنان

هذا هو التبرج المنهي عنه.

أما إن نظرنا لها من جهة العرف والتقاليد فهذا قلة الحياءالذي تمارسه

فئة شاذة من فتياتنا لا يمكن أن نقول عنها غالبة _ وهذا من فضل ربي _



شكرا لك مراسل غرابيل على طرحك .


تحيا1111تي.

*