[align=center]بسم الله ،،
قصيده تشكي حالها
اللهم صلي وسلم على نبينا محمد [/align]
[poem=font="traditional Arabic,6,#010100,bold,normal" Bkcolor="#ffffff" Bkimage="images/toolbox/backgrounds/33.gif" Border="double,5,#41411e" Type=2 Line=0 Align=center Use=ex Num="0,#400000"]
لا والله إلا راح وقت الذيابه =من عقب ماهو بالخلا صار محشور
خلف الشباك اليوم محداً درابه =يشكي من العله ويشكي من الجور
يبي ضلامن دامسٍ به اترابه =يبي بوسط الضلع راقد ومسـرور
حطـوه زينه للسلق والتسلابه=ومن نظرة الحصني ليا فاع بالنور
الذيب يومه ذيب كلٍ يهابه=حاذور يومك تقربه اللف حاذور
يبحث عن الطيب ويركز أنيابه=ذيبٍ يخلي دايخ الراس مذعـور
واليوم لا والله شفنا عذابه=وصدق المذله تجعل الذيب مثبـور
ماعاد فيه من المهابه مهابه=عزمه من الوقت الردي صار مكسور
ياناس وين الناس قد هي طلابه=خلاص ملينا من الكذب والزور
هذا السؤال اللي يدور أجابه=وجوابه أصبح بين الاوراق مغمـور
عقلي بدى ياناس يفقد صوابه=والنور بين جدار وجدار محصـور
من يوم شفنا الذيب وسط الخرابه=بينك وبينه محكمن عالي السور
شفنا من السائل حقيقة جوابه=ناسي ومتناسي وخايب ومغـرور
قولاً بلا معنى قليلٍ صوابه=ياحيف ليه الذيب بالشبك محشـور
انا تعبت من السهر والكتابه=لكن في هالوضع مجبـور مجبــور
والخاطر اللي ماسلا من عتابه=يرسل عتاباته على الناس بالدور
يأهل المروه والكرم والمهابه=عبرت عن قلباً من الهم مقهـور[/poem]
وسلامتكم
رد مع اقتباس
-new.gif)
