[move=up][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كان تبغانا نتحاسب في الوفا والا التجافي =بجمع اللي بجمعه وانت اطرح اللي تطرحه
يا مليح الوصف قلبي صاح لك اليوم كافي =طبعك اللي ما تغير لا تحاول تملحه
لا تحاول تستثير الشعر من قلب السنافي =ولا تجيب اللي يذله قصدك الا تذبحه
قبل تعطيني اعترافك سجّل الحين اعترافي = ما خلق من هو يهين القلب والا يجرحه
وين تلقى لك عشيرٍ مع صروف الوقت وافي = وين تلقى لك خفوقٍ كل ذنبٍ يدمحه
الغلا والحب وشعور الموّلع وانشغافي = سقتها لاجلك ولكن صد قلبك ,, ما ابجحه !!
والله إني ما انتظرت الحب منّك شئ ضافي = ( فاقد الشئ مستحيل إنه يفكّر يمنحه )
ووالله إني ما انتظرتك يوم تمدح لي القوافي =ما كتبت الشعر لاجل اشوف من هو يمدحه
الشعر فيني مشاعر واكتبه من شئ خافي = والشعر أرض السلام اللي تدوس الاسلحه
انتهت لعبة غرامك ما بها وقتٍ اضافي =لا حبست الطير قل لي وش تفيد الاجنحه ؟!
لا تقول إن المحبة عقدها عقد احترافي = المحبه صدق وانته كل همك تمسحه
لو فهمت الدرس الأول ما مشيت الدرب حافي = عذرك اللي صرت اعرفه لا تعوّد تشرحه
لا تركتك فاعرف إني قلت للفرقا عوافي = ولا خسرت رضاك قل لي من يفكّر يربحه ؟!!
( الوداع ) اليوم واجب والفكر هالحين صافي =وإن حكي لساني خطيّة ,, قبل أنا أسافر بحه
[/poem][/move]
أستــــــــــــــــــــاذ أستــــــــــــــــــاذ ياسهم المنايا ...
اختيارك للقوافي عجيب ..
وصياغة المعاني في قصائدك شيء خرافي ..
دائماً نتعلم منك كيف يصاغ الحرف ...
صح السااانك وسلم بنااانك ملااايين
تحياتي لك