سلاااام
يمسيكم ربي بكل خير
مرة من المرارير طلعت العصر من البيت وكنت طفشان حيل المهم ركبت السيارة وجلست ادور في شوارع الرياض وابو نورة يصدح باغنيته المشهوره " وين اروح الليلة وين .... وين اروح ... وين اطس " .
وانا من زود الفطش مطلع الرجل اليسرى مع الدريشة ... فجأة رن الجوال وكان المتصل مغربل بعد سلام وكلام .. عزمني ... طبعاً وافقت بدون تردد << ماصدق على الله احد يعزمه
المهم وصف لي البيت وبعد نصف ساعة وصلت بحفظ الله ورعايته
وكان مغربل ينتظرني عند الباب سلمنا على بعض ودخلنا البيت واول ماجلسنا الا نعال تمشي مليون طررررررررررررررررررررراخ الا الشماغ والعقال في جهه والطاقية في جهه ....
قلت وش ذا يامغربل قال : عاااادي اخواني يمزحون مع بعض ماشفت شي .... بعد ربع ساعة دخل اخوه الصغير عمره سنتين ونص تقريباً قال تعال سلم على عمو سعود ... قال الورع الصغير : دودي << يدلعني
عاد انا حاشتني العبرة تدرون ليه ... انا اقول لكم ليه .... دودي الفايد هذا الصعيدي اللي مات مع ديانا يوم تعشو مفاطيح في مطعم (ماما حسحس) في باريس وبعد ماتعشو شربوا بيبسي وقاموا يفحطون ... المصري مايعرف يسوي العقدة ضرب في وحده من مواصير كبري الوشم وماتو اثنينهم
المهم السوالف مع اخوان مغربل طويله وعريضه وتبيلها حلقات <<< اخلص بس
قلت لمغربل وش رايك نأخذ جوله تفقدية في البيت ... قال قدام ... دخلنا البيت من الداخل ياناس وش اقول وش اوصف بس عمركم شفتوا كتب وفنايل وطواقي في الثلاجة او نعول في الغسالة ...... والا اقولكم بلاش فضايح لانه يوم ودعني يقول استر ماوجهت :اموه:
اخر شي وصلنا لغرفة في زاوية البيت فيها جهاز كمبيوتر على بلكة والطابعة على جنط ... وقال هذي غرفتي ومسميها غرفة القيادة والسيطرة ... قلت يؤ يامغربل من هذي الغرفة دوخت العالم قال نعم ..نعم ...
والله ياجماعة كنها غرفة بنشري .. ومسوي رسومات على جدران الغرفة ... جدار كامل مخصص للسحالي والجدار الثاني للتماسيح بالنسبة للتماسيح قريباً جداً بقول وش يخصهم << يعني بعد الاختبارات
نجي لجدار البني اول مرة ادري ان الولد رومانسي وهو مسوي زحمة في العام ..
ونبدأ الوصف الاخ راسم قلب كبير وفي داخله رسوم كثيرة من ضمنها قلب صغير ينزف يشبه القلب الموجود في الماسنجر وكاتب داخله مجروحة الزمن ... وجايب صورة توقيع طيف الوله وهي مغمضه وتتأمل وحاطها جنب مج مج وفي الجهة الثانية صورة وسن هي وخشتها ونظاراتها ... وصورة مخاوف هي وشامتها وملزق عليها صورتها الاخيرة اللي بالتوقيع ... ومكبر صورة الحنونه ومن زود التكبير واصل خشمها الارض ..
وجايب صورة قديمة لحساسة من ايام غرابيل الاولى وجنبها صورة لقووووت هي ونظاراتها وخصلات شعرها المغطيه خشتها ... وجنبها ميمونه رقم واحد ..
وفي الوسط وردة جواهر المشهورة
وصور مغبرة لبنات مثل هيام الروح وعجايب وياسميناه ورماد وكاتب تحتها
( البيات الشتوي )
وفي الاسفل صورة ميكي ماوس مع صورة وحده بايعتها مع صورة رنا كل هذي الصور في قلب كبير ومخترق القلب سهم كبير وكاتب عليه سهم الموت وتحت القلب كاتب عشق ليل
وجنبه صورة نوال الكويتية وكاتب عليها صالح <<< ياترى مين يقصد :بفكر:
وفوق رأس السهم كاتب الرهيبة الرئيسة نظرة امل ... وعند ذيل السهم مذهله
وكاتب تحت بخط احمر وغير واضح جمله بصراحة انا مافهمتها
(( سعود انقلع ... انقلع لابارك الله فيك ولا في الساعة اللي عرفتك فيها ))
اخيراً
اذا فهمتو شي قابلوني
تحية عطرة