[align=center]السلام عليكم ورحمة الله وبركاته
تبقى غرابيل شامخة بشموخ مشرفيها وأعضائها
نغيب عنكم ويحدونا الشوق إليكم
أبيات متواضعة علّها أن تحوز على رضاكم
***************[/align]
[poem=font="simplified Arabic,5,darkblue,bold,normal" Bkcolor="burlywood" Bkimage="" Border="double,4,royalblue" Type=2 Line=1 Align=center Use=ex Num="0,black"]
ألاحي حمام الورق فوق الشجر لا ناح=والى من عوى ذيب الخلا صحت له عاوي
واخيل السحاب اللي تزبر وبرقه لاح=ويجذب خيالي في السما نجمها الهاوي
امدّ النظر واقدح سنا فكري اللمّاح=واشوف الرّحاه تدور والحلّ ما ياوي
انا اشوف دنيانا كما حالة المسباح=يسبّح بها العابد ويلعب بها الغاوي
واشوف اليدين القاصرة تقطف التفاح=ويمسي عزيز النفس في عزّته طاوي
لك الله يا قلبٍ ليا قلت يدله صاح=عجز ما لقى له في شقا همّه مداوي
تخالف عليه هموم بقعا ولا يرتاح=والى اقبل ظلام الليل يدوي به الداوي
وانا ما ذبحني يا هل العرف دون سلاح=سوى كلمةٍ عوجا تلفّظ بها واوي
يحلف اليمين ويدّعي انّه يبي الاصلاح=وعند المقابل يرخي الراس ويلاوي
اعرف الهروج الجدّ واميّز المزّاح=وافرّق ما بين الجاونيّــــة من الجاوي
واذا كان باب المجد ما له معه مفتاح=فيقعي على عتبة هل المرجلة ثاوي
بغينا المكاسب والسلامة لنا الارباح=جميلة وبارضٍ سوّ قل لي : كم تساوي ؟[/poem]
[align=center]محبكم
أبو راجس الدوسري
..[/align]