[align=center]صباحكم جوري ؛؛
متواضعه للتواصل؛؛؛[/align]
[poem=font="simplified Arabic,4,firebrick,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
يا نـوف حدتنـي عليـه المقاديـر = وبيّنت له يـا نـوف جـل اهتمامـي
وأرخصت لأجل ارضاه قومٍ مناعيـر = بالطيـب طيـب وبالكرامـه كِرامـي
وأهديت له روحي شهـاده وتقديـر = وبصمت له بالعشـر حبّـك لزامـي
وصديت عن كل الوجيـه المسافيـر = ونذرت له بالحـب بـرد وسلامـي
فرشـت لـه درب المحبـه نواويـر = وأرخيت شريـانٍ لشوفتـه ضامـي
وأسْدَلْتْ له روح النوايـا المغاتيـر = ورفعت قـدره فـوق كـل الأنامـي
يا نوف صد وراح من دون تبريـر = يا نوف مـا قـدّر غـلاي وهيامـي
ما يـدري ايامـي بدونـه معاسيـر = عيّت عيونـي مـن فراقـه تنامـي
ولا يدري ان الشوق ملعون ابو صير = كافـر ولا يرحـم عليـّه الحرامـي
وجدي وجود اللـي حياتـه تعازيـر = باليـه وقتـه قبـل سـن الفطامـي
ما شاف من دنياه غيـر المخاسيـر = ولاحدٍ صفطْله من خـوال وعمامـي
تلعبّه الدنيـا وتعكـس بـه السيـر = يمشي ولا يـدري بعكـس النظامـي
يا نـوف راح وعذبتنـي المقاديـر = وصارت حياتي عقب نوره ظلامـي[/poem]
رد مع اقتباس
-new.gif)
