تدرين وش هي الفكـرة المستحيلـه ؟
[poem=font="simplified Arabic,5,darkblue,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
تدرين وش هي الفكـرة المستحيلـه ؟ =إني أفكّر بس فـي لحظـة انسـاك
قـد قالـوا العاشـق خفوقـه دليلـه=وأنا خفوقي طاح فـي كـف يمنـاك
وإن كـان قربـك يستفـز القبيـلـه=ما همني لو تزعل الخلـق لرضـاك
يا الفاتنة .. يـا الناعمـة .. يـا الجميلـه=أنا وقلبـي مـع عيونـي ضحايـاك
يا الغالية .. يـا العاليـة .. يـا الكحيلـه=لا تعذلين الشعر لا قال مـا اغـلاك
يا الملهمة.. يا المبهمـة.. يـا الجليلـة=الله يعيـن اللـي يـعـدد مـزايـاك
فيك الحسن مـا فيـه شـئٍ مثيلـه=يصعب على العالم يلاقـي حلايـاك
حتى منامي صار طيفك يجـي لـه=والحلم يبكي لا قرب وقت مسـراك
لو كان ما لي في العمر غيـر ليلـه=لاعيشها جنبـك قبـل يـوم فرقـاك
لا شفت دمعك ينتثـر فـي مسيلـه=ودّي أضمّ الدمع وأبكي مـع بكـاك
ليـه الدقايـق فـي لقانـا قليلـه ؟!=ما امدى أشوفك يا حياتي ولا امداك
وليه الثواني فـي غيابـك طويلـه؟!=بالله من مثلـي يصونـك ويرعـاك
ليت المواجـع فـي عطاهـا بخيلـه=وليت الليالي تضمّنـي دوم واقـراك
انسـي الليالـي القاسيـة والثقيلـه=وانسي زمانٍ مـرّ مـن دون لقيـاك
والوقت الأقشر ودي أخلـي سبيلـه=وافتح معك صفحـات قلـبٍ تمنـاك
والعاذل اللي مـا لقـى لـه وسيلـه=إلا يـدوّر كيـف تجفيـن واجفـاك
يمـوت دام إن المكـايـد هزيـلـه=ما يدري إني لو تناسيت ما اسـلاك
لو كان فـي قلبـه مشاعـر نبيلـه=ما حطني في موقف الشـك ويّـاك
يكفـي خفوقـي مـا قبلتـي بديلـه=ويكفيه صدقك والثقـة يـوم ناجـاك
أنتـي الغـلا لاشـك محـدٍ يشيلـه=ولا تسألين القلـب وشلـون يهـواك
روحي وشوفي الفكـرة المستحيلـه=وأنتي وضميرك كان تبغيني أنساك !! [/poem]
وأنتي وضميرك
كان تبغيني أنساك !!