إلحق اليوم آخر يوم في المنتدى

[مجروحة الزمن]

(تخيل.)


دخلت على المنتدى....

أول ما دخلت وصلتك رسالة خاصة..

فتحتها... فكان المضمون

بسم الله الرحمن الرحيم

السلام عليكم ورحمة الله وبركاته..

أما بعد..

إن هذه الرسالة أرسلت لجميع الأعضاء...
ومضمونها:

بناء لعدة أسباب .. كان لابد أن يكون هذا اليوم آخر يوم من المنتدى..

هذا للعلم..

والشكر الجزيل لكل ما قدمتموه من مواصلة ومشاركات طالما أسعدتنا.


لو وصلتك هذه الرسالة .. يا ترى :


:anger2: :anger2: :anger2:


1. بماذا ستشعر؟

2. ما الذي ستفعله في هذا اليوم؟.

3. وما آخر مشاركة ستقدمها؟..

..انا في انتظاركم..

:تصفير:


سلامووووووووووووووو

الفكره ملتوشه مع مرتبة الشرف

[ميـ1ــمونـــه]

1. بماذا ستشعر؟
ترى بالنسبه لي عادي انا مو متعلقه بالمنتدى
الوضع عادي


2. ما الذي ستفعله في هذا اليوم؟.

ماراح يتغير شي زي كل يوم

3. وما آخر مشاركة ستقدمها؟..

سأكتب موضوع (ارجو ان يسامحني كل عضو غلطت عليه )

وبسسس

[رمــــــاد]

[align=right]
يمسيك بالخير ..
ياحلوه..

أنا ماابي أتخيل يامجروحه..

أنشاء الله مستحيل..
واجابتي على اسئلتك..

1. بماذا ستشعر؟
اكيد راح تكون ردة فعلي سلبيه..
وراح يجيني احباط.. مابعده أحباط..
لأني على الله ثم على هالمنتدى ..
وعلى العلاقات الطيبه اللي كسبتها معاه..
وراح يضيق صدري حيل...

2. ما الذي ستفعله في هذا اليوم؟.
يمكن ماادخل النت .. بعدها..
وراح أدور سبب لهذه المسأله ..


3. وما آخر مشاركة ستقدمها؟..
صعبه لحظة الوداع..
ولكن في تلك اللحظه أحاول توديع الجميع..
أعضاء ومشرفين.. وأداره..
عشت معاهم فتره ممتعه ومضيئه..
وأعزي قلبي لفراقهم....
وأشكرهم على كل شئ حضيت به..
من أحاطه وتقدير.. ومسانده..


وأنشاء الله مايصير هذا الحكي..

وأدعو من الله أن لايفرق شملنا..
ويحفظنا بحفظه..


بس يامجروحه..


وعساك على القوه ياغاليه..


[glow=CCCCCC]رمــــــــــاد..[/glow][/align]

[فالح الشلوي]

الله لا يقوله

مجروحه وش هالتفكير يابنت :o

بس بصراحه هذا اذا دل يدل على حبك لمنتدى غرابيل

أما من ناحيتي انا


1. بماذا ستشعر؟

أحس أني بفقد ناس غالين على قلبي وأشبه الوضع اللي راح أمر فيه مثل الصغار اذا جوهم عيال عمهم من ديره بعيده وجلسوا عندهم اسبوع وانسبطوا ويوم راحوا ضاقت فيهم الدنيا

2. ما الذي ستفعله في هذا اليوم؟.

بحاول أجلس بالمنتدى 24 ساعه كامله وأرسل رسايل خاصه لكل عضو له مكانه بقلبي

3. وما آخر مشاركة ستقدمها؟..

راح أنزل اعتذار لكل واحد غلطت بحقه أو اسئت لمعاملته

[م.عبدالله]

1. بماذا ستشعر؟


عادي بتركه وبشوف منتدى ثاني اطحس فيه

2. ما الذي ستفعله في هذا اليوم؟.

بذاكر :)

3. وما آخر مشاركة ستقدمها؟..

سبحانك اللهم وبحمدك استغفرك واتوب اليك

[الأميرة الناعمة]

:واء:

الله لا يقوله

ليه التفكير الشين هذا :واء:


1. بماذا ستشعر؟

اني بفقد ناس احبهم وتعودت عليهم

2. ما الذي ستفعله في هذا اليوم؟.

بسنتر 24 ساعة بالمنتدى

3. وما آخر مشاركة ستقدمها؟..

بنزل مشاركة وبقول احبكم وسامحوني

[erty]

مجروحة الزمن ........ :anger1:

كل شى جائز .... وانشاءاللة يبقى المنتدى دوم ..

لانى واللة حبيت وارتحت لكل اسم بالمنتدى ..... بغض النظر عن شخصيتة ..


تحياتى .... مجروحة الزمن .

[مجروحة الزمن]

ميمونه

تسلمين علي مرورك

واذا الوضع عادي عندك هذا لانك جديده معانا :p

بس اذا استمريتا راح تتعلقين بغرابيل اكيد

<<<< رومانسيه البنت بغرابيل :)


.................................................. ....


رماد

مشكوره حبيبتي علي مشاعرك الصادقه

وان شاء الله الله مايفرقنا ابد ابد ابد:اموه:

[مجروحة الزمن]

عذب الاوهام

هالتفكير علشان بشوف غلات غرابيل في قلب كل واحد فيكم بس


.................................................


نصابووو مالك صاب من يومك:p

[مجروحة الزمن]

سوسي يا قلبي لا تبجين :اموه:

انا عارفه وش كثر تحبين غرابيل

كثر حبك لي صح:تصفير:

<<<<< مصدقه عمرها :D

.................................................. .


آرتي

تيب لاتعصب

وانت مثل ماحبيت وارتحت المنتدي والاعضاء

احنا بعد ارتحنا لك

وعسي الله يدوم الاخوه بينا يارب

سلامي لك

[ااالامبراطور]

هلا والله بمجموجه



الرساله هذي بتوصلكم على يدي بس مدري متى :تصفير:



اول شي افكر فيه


وش الاسباب


وش صاير عشان يتقفل المنتدى


وافكر كيف اجتمع باعضاء غرابيل في منتدى ثاني


افكر الم الشمل مره اخرى


اخر موضوع لي بيكون عن المكان اللي نتقابل فيه سواء منتدى او شات او ماسنجر


تحياتي لك انتي ولتشاتك :تصفير:


.

[مجروحة الزمن]

يا رجال انا قلت تخيلو

ياخوفي تسويها صج فينا :o

<<<<< محد ماكلها غيرك:)

[طيف الوله]

مج مج

مجروحه

تدرين وش افكر فيه

افكر اني امنع اللطشات اللي ترفع الضغط

[مجروحة الزمن]

طيفو كيف بتمنعينها:p

مادريتي اني اكبر لطاشه في المنتدي :تصفير:

<<<<< تفتخر بعد وحليلها :)

[تواق]

مج مج

بلاتس ماشفتي منتديين كنت مشارك فيهم

ماعطونا فرصة ولاخولنا ندخل ..

المنتدى مغلق للصيانه <<-- لا ماهيب ذي :)


المنتدى مغلق نهائيا وارجو انكم تسامحونا <-- ياوووك لو المنتدى مافيه الا اثنين قويه مغلق نهائيا تهي تهي .

نرجع للموضوع


. بماذا ستشعر؟

تبي ترتفع الحراره واحس بخنقة

2. ما الذي ستفعله في هذا اليوم؟.

ابراسل الاداره واتفاهم معهم يااما يعقلووون والا يتنحون جانبا :p

3. وما آخر مشاركة ستقدمها؟..

شجب واستنكار





الله يعطيتس العافيه واشربي حليب قبل النوم عشان تروح عنتس هالافكار