بسم الله الرحمن الرحيم
لعلكم بأحسن حال . وعذرا على الغيبة
والله لاعلى البال ولا على الخاطر أني اكتب شي بس من كثر
ماقريت بالصحف والجرايد عن المسلسلين التركيين وسألت عن بعض الأحداث
. جات هالأبيات على عجل .
مع اني قريت تصريح للقنصل التركي بعدم تمثيل احداث المسلسلين للشعب التركي المسلم .
تقبلوها كما أتت .
[poem=font="simplified Arabic,5,blue,normal,normal" Bkcolor="transparent" Bkimage="" Border="double,4,gray" Type=1 Line=0 Align=center Use=ex Num="0,black"]
الله أكبر عد ماخط اليراع = والله أكبر عد مايلعن بليس
اسمع لغط واثار في الاندفاع = حالة طلاق بسبة مسلسل لميس
رغم ان عنوانه سنوات الضياع = والبنت تحمل قبل ياخذها العريس
والأم حاملتةٍ بها قبل الوداع = واهيه اساساً وضعها كله بئيس
ومهند ونور وخبيثين الطباع = وذنب Mbc كله بميزان الرئيس
والله كلامٍ فاضي وضحك وخداع = على عقولٍ راحت اسباب الجليس
ليش السعوديات من كل البقاع = يهرج عليهن من خميس اليا خميس
أما أن روس اهل الصحف فيها صداع = والا ورى الموضوع تفكيرٍ خسيس
أو قصدهم تشويه قدر المستطاع = في سمعة اللي ماوصلهن كل هيس
وانا اول اللي يوقف بخط الدفاع = من دونكن واضحي بكل النفيس
أنتن بنات الدين وامر الله مطاع = والله ماينفعكن قريب ولا ونيس
ابغى ردود الفعل لجمٍ للضباع = اللي من الله حضهم دايم تعيس
رغم اقتناع الفكر كل الاقتناع = إن خوف رب البيت جواكن حبيس
قال الرسول المصطفى خير المتاع = الصالحة ماقال راعية الدسيس
ترى الفتن واجد وممشاها تباع = تسلحن بالدين اذا حمي الوطيس
ومن لم يكن سبعاً تعشته السباع = والا الضعيّف يذبحه حتى الكديس
والخاتمة ياقاري ابغى الانطباع = عن نور ومهند ويحيى مع لميس
[/poem]