[align=center]السلام عليكم ورحمة الله وبركاته
أسعد الله مساكم بكل خير
إليكم أخر المستجدات [/align]
[poem=font="simplified Arabic,6,blue,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
كل ليل اذا بغت تاخذ عيوني غطه=من لذيذ النوم جاها هاجسٍ يهجدها
ما تغمض كن من بين المحاجر شطه=وكن وسط الجاش ضوءٍ يشتعل موقدها
في خلايا مخ راسي ذبذبة محطه=من عربسات الفضائي يشتغل مرصدها
واصبح التفكير يرسم للمعالم خطه=كن صعبات المواقف حاضر مشهدها
ما نفكر في مقامٍ قيمته منحطه=البلا من مبهماتٍ ما تحل عقدها
الحياة ظروفها بين الرخاء والشطه=الفلوس الها مبادي مير لا تعبدها
والجمل فوقه شل الحمل الثقيل وحطه=كل ما تدبي بدربه دابيه يهبدها
دام سلات السيوف بغمدها منغطه=ما يجي حسم المواقف غير من مجردها
هكذا واذا ارتفع خشم المعاند وطه=وكان نفسك بذتك بجهادها جاهدها
وان بلاك الله بزلات الرفيق النطه=عز نفسك عنه وارفع نظرتك وابعدها
ما يغير منهجه لو كل يوم تبطه=لن هذي سهمته والعافيه يحسدها
زم راسه طيب ابوه اللي مطول خطه=والولد قاطع طريق أورايحٍ مع يدها[/poem]