المشاركة الأصلية كتبت بواسطة عبدالعزيز عبيد العدواني
[align=center]هي أقرب أن تكون إحساسا أكثر من أن تكون شعرا[/align]
[align=center]وإليكم نبضي [/align]:
[align=center]يتيمه تسخط على أحد قصائدي ليتيمه مثلها فكتبت هذه الأبيات [/align]:
[align=center]
[/align]
[poem=font="simplified Arabic,5,black,bold,italic" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
ليه يا بنت الكرام الآآآآه من قلب طلعت = واحرجتني وجرحتني يوم جبتيها علـي
ذي يتيمه كلمتني والضروره لي دعـت = يوم حل الظلم فيها ما لها غيري ولـي
قالت اليوم انت وينك يوم صارت ووقعت = ما رجيت الا وجودك يوم خلوني هلـي
وقلت والله يا يتيمه شمعة الشعر ولعت = والقصايد كلبوها لجل ظلمـك تصطلـي
كنت ابي كل القصيد بنورها يوم سطعت = كنت ابي كل القصيد اليوم يطبخ ويغلـي
بس آهاتك خذتني واجبرتني وصرعـت = كل ما فيني ودوت وجعلت قلبـي خلـي [/poem]
[align=center]وأخرى توفي زوجها شهيدا للواجب ولم أعرف إلا
مؤخرا وعرفت سر أحزانها فتأثرت بها فكتبت هذه الأبيات [/align] :
[align=center]
[/align]
[poem=font="simplified Arabic,5,black,bold,italic" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
انا اعتذر آسف على ما جاك مني مـن جـراح = لو كنت اعرف المسأله كان السكوت ارحم شوي
كنت اسألك قصدي أبدل حزنـك بكـل انشـراح = والجرح الاول أحرقه واطـوي ملفاتـه طـوي
ما كنت احسب ان الخفوق اللي عليه الوجد طاح = استشهد وباقـي عيالـه والمصايـب تحتـوي
لكن نهاية مـا أقـول اللـي توفـى واستـراح = الله معـه والله قـوي والله علـى كلـن قـوي
وانتي مع عيالك تراني عطركم والعطـر فـاح = تكفين يا ضاقت عليكم صوتـو لـي بالخـوي [/poem]
[align=center]يتيمه ذهبت بزي المدرسه إلى مدرستها وانساقت إلى المقبره فكتبت هذه الأبيات[/align] :
[align=center]
[/align]
[poem=font="simplified Arabic,5,black,bold,italic" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
صوره بكت منها الصور موقف يهز الذات هـز = حتى الدفاتر والحبر يبكي مـن المنظـر حزيـن
جت وانثنت فيهـا قهـر فيهـا بقايـا مايحـز = النفس والنفس انكوت من هم وفـراق و أنيـن
حتى الضلوع اللي تطـوت مابقـى فيهـا يفـز = الا حطام الذكريات اللـي مـع الماضـي يبيـن
للمدرسه راحـت وفيهـا مايلـز الـروح لـز = فجأه تغيـر مشيهـا للمقبـره واحيـت حنيـن
احيت حنين(ن) ماهدا من علم جز الـروح جـز = واستلهمت حزن(ن) بقى يصرخ وفي وقته يحين
قالت وهي تبكي أنا وشلون ابـدرس وش يعـز = دام الغلا ساكن هنا ببقـى وربـي لـي يعيـن
عجزت اودع من سكن فيني وانـا قلبـي يـدز = امشي على طاري وجود يجدد الحـزن المبيـن
اضحـت طريحـه والليالـي بالمقابـر تستفـز = اللي بقلبه من حطـام الوقـت مايذكـر ضنيـن
الله يرحـم ميـت(ن) بنتـه تصيـح وتشمئـز = من هالحياه اللي بلى شوفه ومن مـر السنيـن
اوواه يامنظـر عجـب رز المشاعـر فيـه رز = حتى بغت من منظره مابين بيـن وبيـن بيـن[/poem]
[align=center]وهذا يتيم في دار الرعايه يقول لأحد زوار الدار (( يبه )) .... فكتبت هذه الأبيات[/align] :
[align=center]
[/align]
[poem=font="simplified Arabic,5,black,bold,italic" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
يبه يبـه لا تبتعـد واقـرب شـوي = اقرب عشان اسمع صدى صوتها منك
يبـه يبـه ماقالهـا الميـت للحـي = والموت موت اللي ملى صدره التنـك
يبه يبه في ظلمـة(ن) مابهـا ضـي = النور طافي والزوايـا مـن الزنـك
يبه يبه وادري بها غـي فـي غـي = لا هي بدين ولا ضريبه مـن البنـك
يبـه يبـه تكفـى تقبـل وانـا فـي = دار(ن) رعت من يلتفـت ويتفطنـك
يبه يبه ويلاه مـن مـا سطـى بـي = من هم واهـوال وسواليـف تطعنـك
يبه يبه قـل إيـه واقبـل وعطنـي = حنان ابوي اللي من اسبابه الضنـك
يبـه يبـه لا لا تعجـب لشخـصـي = هذا أنا والمنظـر الصعـب يشحنـك
يبـه يبـه أدري تضايقـت مـنـي = ودموع عينك بللـت صافـي وجنـك
يبه يبـه ياجيـت الاطفـال بالحـي = بلغ سلامي والغلـى ماسلـى عنـك [/poem]