صباح الخير للجميع ,,, مره ثانيه أعود لأطرح هذا النص الشامخ في منتديات غرابيل بعد مافقدت نسخته الأولى ,,, التي لأعلم باي قسمن هو
أرجو تمرير هذا النص بكامل عيوبه
[poem=font="simplified Arabic,4,black,bold,normal" Bkcolor="transparent" Bkimage="backgrounds/27.gif" Border="ridge,6,orange" Type=2 Line=0 Align=center Use=sp Num="0,black"]
يابـــــدر انـا ملّيـــــت واللــه ياخـــوك = بدنيتـي شفــــت العنــاء وكـل غربـال
بـي ضيقـةٍ بأسباب هيـسٍ وصعلــوك = نــذلٍ ويطعــن بالقفـى ولبسـه الشـال
إذا نطــق بالهـــرج عجـــلٍ ومربـــوك = عايــش بهـالدنيا علـى القيـل والقـال
عـرض البشـر في دنيته دوم مسفــوك = وإذا وعــــد يخلـــف ولا هـــو برجـال
وقــت الشدايـد يرتعـش حيـل مربــوك = وإذا نخيتـــه يعتـــذر عنـــده اشغــال
خلّـــه علــى ماقيــل دايم مدكــوك = لا تتبعـــه يتعبــك فـي كــل الأحــوال
حقّــه وقــدره دونـه البــاب مصكــوك = حـدّه إذا تقـــدر تحـــده علـى الجــال
مافيـه نخــوه بجلستــه شيـن يبلــوك = وإذا هــرج للنــاس بالهــرج يحتـال
كــذاب خايــن احــذر بساعـه يتلــوك = في خوّتـه جلــب المشاكل والأهـوال
هـذي حياتـي حنظـل وعلقـم وشــوك = بسبّتـــه ماذقـــت انـا راحـت البـــال
الحــظ يوقـــع علــى كـــل متــــروك = الخايــب اللــي مايجمّـــل بالأفعــال
مبـروك مـن قلبـي انا اقـول مبـــروك = فـازوا بهــا اهــل الخيانــه والأنـذال
باقــي بربّــك بيــت بالـراس محبـوك = مـن الذهــب يســوى ثلاثيـن سلســال
هــذا الزمـن ياصاحبي لراعـي البــوك = والاّ الفقيـــر بهالزمـــن قـدره انعـــال[/poem]
وسلامتكم ,,,
مع فائق الاحترام والتقدير لمن مر هنا
رد مع اقتباس
المشاركة الأصلية كتبت بواسطة محمد الروقي
