لا واهني الطير ياخوك بالريش

[عبداللطيف الشمري]

السلام عليكم ورحمه الله وبركاته
اسف على الانقطاعه
وارجوا ان تقبلو ما اتيتكم به ؛ ومنكم نستفيد


[poem=font="simplified Arabic,5,black,normal,normal" Bkcolor="transparent" Bkimage="" Border="none,4,gray" Type=0 Line=0 Align=center Use=ex Num="0,black"]
لاوهني الطير ياخوك بالريش=يكفخ اليا ضاقت عليه الوسيعه
البعد ما ساقه ورى لقمه العيش=ولا ساقته دنياه مثل المنيعه
ولا سهرت اعيونه تحرى المطاريش=ولاذاق بعد ولا عرف بالقطيعه
ياخوي قل شورك تراها مناويش=سود اليالي اقفت ولاهي امطيعه
بخششتها وعيت تجي بالبخاشيش=حتى يباس العمر غطى ربيعه
صابر وصبر مدني مرخى ويش=والهم صار اليوم فيني طبيعه
عجزت لا اصبر بدنيا المخاريش=ولا اقدر ابدل حظي والا ابيعه
بس الوكاد الطير محظوظ بالريش=يكفخ اليا ضاقت عليه الوسيعه[/poem]


وسلامتكم
تاكدو اني من نقدكم استفيد

[محمد بن ضاوي]

عبداللطيف الشمري ,,

صح لسانك ولا هنت على هالرائعه

وبما انك فتحت الباب لنا يومك تقول :

وسلامتكم
تاكدو اني من نقدكم استفيد

راح اقولك ابشر :مزون:


عندي ملاحظه طال عمرك على هالبيتين :

ولا سهرت اعيونه تحرى المطاريش & ولاذاق بعد ولا عرف بالقطيعه
ياخوي قل شورك تراها مناويش & سود اليالي اقفت ولاهي امطيعه

لو قلت ولا اسهرت عينه بدل عيونه كان اسلم من ناحية الوزن

ايضا الشطر الثاني في البيت الثاني
لو قلت سود الليالي ليه ماهي مطيعه ,,, ايضا راح يكون اسلم للوزن



عبداللطيف الشمري سعدت بقراءة قصيدتك وبرحابة صدرك وصح لسانك مره ثانيه ولا هنت

[أبوعبدالرحمن]

صح لسانك ياعبداللطيف


وسلمت اناملك اخي


وبما انك تبحث عن النقد فستصل بكل تاكيد باذن الله

تحيتي لك

[فخر أهلها]

بس الوكاد الطير محظوظ بالريش & يكفخ اليا ضاقت عليه الوسيعه


صدقت والله

صح لساانك مدد ولاهنت

انا عندي مداخله بسيطه :)

انا شفت محمد عدل في البيت

ياخوي قل شورك تراها مناويش & سود اليالي اقفت ولاهي امطيعه

بس غير كلمه فيه

انا ماني ناقده وبالعكس اتقبل النقد لكن عندي انا يكون البيت بدون تغيير في الكلمه

وانما تحذف حرف الياء من الليالي 000 لتصبح الليال

ليس نقدا وانما رأي ويحتمل الصواب والخطأ وفي انتظار الغير

صح لسانك مره اخرى

تقبل مروري

[نبيل بن عاجان]

مرااااااااااااااااااااااا ااااااااااااااااااحب



عبد اللطيف


حضور جميل


تسلم أياديك



أتمنى لك الإستمرار والتوفيق



أشواااااااااااااااااااااق ي



نبيل

[علي عبدالرحمن الأسمري]

صح لسانك
وبانتظار الاجمل
تحياتي

[سمووره]

عبداللطيف الشمري

صح لسانك قصيده رائــعه

الف شكر

[صلاح الأحمدي]

؛

وعليكم السلام ورحمة الله وبركاته

نص رائع وقصيدة جميلة المعنى والفكرة والأساتذة ما بقوا لنا شي ما شاء الله يعطيهم العافية اعطوك من المفيد الأهم لما تريد من توجية ونقد ..
كل الشكر ل رحابة الصدر أخوي .. وصح كلك ،،

عبد اللطيف الشمري
صح بيانك وكلك ، يسلم بوحك ونبض روحك ، لاهنت ، مودتي

؛
،، وَتَحِيَّة ،،
؛

[عبداللطيف الشمري]

مشكورين اخواني الشعار والنقاد والشاعرات والناقدات ومن مشرفين واداره

على هالمرور الخفيف المفيد والله يعطيكم العافيه

[محمد نايف العتيبي]

.

الله الله

عبداللطيف الشمري


بيض الله وجهك , ابيات جميله ومن قلب جميل وجزل

القصيده كامله والكامل الله

ملاحظه محمد ضاوي على عيني وراسي

لكن اشوف ان البيت مضبوط تماما ً

فالنطق يختلف ترى ,,

ولا سهرت اعيونه تحرى المطاريش & ولاذاق بعد ولا عرف بالقطيعه

كلمه ولا سهرت تنطق بسلاسه يعني بدون تشديد بكسر حرف السين .

والبيت الثاني كما قالت فخر اهلها , يحذف اليا ويصبح الليال



وصح لسااااانك واعذروني على المداخله



دمت بخير


محمد بن نايف

[فايز ماجد]

صح لسانك

ياعبداللطيف الشمري

قصيدة جميلة ووافية

وانا مع فخر أهلها بحذف الياء

ولاني مع ابوضاوي بتغيير كلمة سهرت

لان ابوضاوي مانطقها نطق الشمري لها وطبعا اختلاف اللهجات له دور

وهي تنطق كذا ولا سهْ رت ولاتنطق كذا ولا اسهرت

صح لسانك ياعبداللطيف

وتحياتي للجميع

[خــــالـــــد]

[align=center]
عبدالطيف الشمري
ـــــــــــــــــــــــــ ــــــ
صح لسـانك وقلبك أخوي

وتسلم يمينك

قصيدة رائعة

لاهنت
ـــــــــــــــــــــــــ ــــــ
أخوكـ/خالد
[/align]