مساءكم ورد
ܓܨܓ فايز ماجد ܓܨܓ
سهرتكم الليلة مع شاعر متوهج ,, مشتعل ,,
نجم علا وسما في سماء غرابيل
عرفنا بنفسه بإختصار في بيتين من الشعر
[poem=font="arabic Transparent,6,black,bold,normal" Bkcolor="transparent" Bkimage="backgrounds/7.gif" Border="groove,6,teal" Type=2 Line=0 Align=center Use=sp Num="0,black"]
ميـلاده بنجـد وديـاره شمالـيـة=واليا انتخى شرق ثار الساحل الغربي
شاعرك أسمه بصيغتـه الرباعيـة=فايز بن ماجد بـن محمـد الحربـي
[/poem]
أن بدأت رحلتك في عالم غرابيل الممتع
وتوقفت عند قصيدة تعكس روح طيبة
وأخلاق راقية
فاحرص أن تقرأها بتمعن ... ولا تنسى ... فهذا هو فايز
فكل قصيدة أو خاطرة ماهي الا ابداع متجدد ..يستهوينا ...
[poem=font="arabic Transparent,6,black,bold,normal" Bkcolor="transparent" Bkimage="backgrounds/7.gif" Border="groove,6,teal" Type=2 Line=0 Align=center Use=sp Num="0,black"]
حنا بدو والنا سلومـاً مـع قيـم=والنـا مبـادي ثابتـة بالازمنـة
أرثـاً قديمـاً مايغيْـره العصـر=في وقت مبلي في صنوف العلمنة
لاتلعب بعقلـك تصـدق حكيهـا=اترك عنْـك ياهالسفيـه القردنـة
الرجل لامن صار لعبـة للمـرة=ودك لجل يلعن ثواهـا.. تلعنـه
قلته وانا لاقلت كلمة.. قدهااااااااا=شاعر وقول الصدق دايم ديدنـه
[/poem]
تأثرشاعرنا بمقتل الشهيد الشيخ أحمد ياسين على أيدي
قوات الاحتلال الصهوينية
فكتب نص جميل
وأجمل مافيه العاطفة الدينية التي نشرت النور بين حروفه
[poem=font="arabic Transparent,6,black,bold,normal" Bkcolor="transparent" Bkimage="backgrounds/7.gif" Border="groove,6,teal" Type=2 Line=0 Align=center Use=sp Num="0,black"]
ياعرب ماعاد باقـي لاصبـر ولااحتمـال=زوّدوهـا لعنبوهـم لعنبـو كـل اليهـود
والله انه مابقـا سلـم وعهـود الا بقتـال=رجّعوا مجداً قديماً كـان بالعالـم يسـود
ولمّوا الشمل المشتت من جنوب اليا شمال=وافزعوا لعذرا ضريرة كبّلوهـا بالقيـود
وانتخوا يلعن حيـاة الـذل يالله يارجـال=ومعكم الله لادعيتوا عانكم وقت الصمـود
ولّعوا حرباً رحاها اتهـدّ عاليـة الجبـال=وانسوا المجد القديم وجدّدوا مجد الجـدود
وشرّبوهم علقم من الموت من عقب الزلال=ليـن مايبقـى عتـاد ولابـلاد ولاجنـود
ياعرب والصبر ماله بالحنايا مـن مجـال=هاضني موت الكريم اللي بسم دينه يقـود
[/poem]
دعابة جميلة من الشاعر ,,اليكم ماحدث له في هاواي ,,
[poem=font="arabic Transparent,6,black,bold,normal" Bkcolor="transparent" Bkimage="backgrounds/7.gif" Border="groove,6,teal" Type=2 Line=0 Align=center Use=sp Num="0,black"]
مرتن وانا مصيّـف فـي هـاواي=وتـارك الدنيـا وهالعالـم وراي
لاطرى لّيه حبيبي قمـت اهيجـن=بالقصيد اللي كتبتـه مـن عنـاي
بايع ابوها واشوف الناس تضحـك=واتجاهـل واتظاهـر فـي غبـاي
وكل مامـرت جميلـة ناظرتنـي=وانا بالـي مـع حبيبـاً لـه ولاي
وقبل اروّح خشف ريما ًقرّبت لي=ثم قالت هاي مسيـو قلـت هـاي
والغبية ما اقدرت تخفـي طمعهـا=يوم قالت وش كلاصك قلت هـاي
وقامت تسولف وتاخذ من علومـي=تحسبّنـي مصدقـاً كثـرة غـلاي
المهم اني طفشت وقلـت روحـي=أصلا ً لمثلـك ماانّـزل مستـواي
مادريتي ب اني مهنـدس لكاعـة=واتغابى بـس مـا أظهـر ذكـاي
حتـى جنيـي ليـا منّـه توهـق=ينتخي بي تكفى يااعـز اصدقـاي
[/poem]
يالحناً داعب أوتار القلب بالغرام حين عـــزف,,
الى هذه اللحظة لم أعرف كيف اظهر لك غلاكـ ...
[poem=font="Arabic Transparent,6,black,bold,normal" bkcolor="transparent" bkimage="backgrounds/7.gif" border="groove,6,teal" type=2 line=0 align=center use=sp num="0,black"]
واللي خلقني يازحول الرجاجيل=أني عجزت اشلون ابيّن غلاكم
لو أبدع القيفان وآحط واشيـل=يتعب قصيدي مايلّحق جزاكـم
شعار تجمعكم محبة غرابيـل=ياكاتبين الجزل كلـن قراكـم
ماللردى فيكم صنوف ومداخيل=متوارثين الطيب والله عطاكـم
حكمة وحجة واحتراماً وتبجيل=ولابه اللي واصـلاً مستواكـم
وانا اتشرف يالكرام المشاكيل=فيكم وفي حرفاً وفا من وفاكـم
أبيات من قلبي لكم يارجاجيـل=كتبتها عسى تنـال لرضاكـم
[/poem]
قلها حبيبي ..ولاتتردد في الحب ..
فكلنا يعرف أين مكانه من قلب الآخر
[poem=font="Arabic Transparent,6,black,bold,normal" bkcolor="transparent" bkimage="backgrounds/7.gif" border="groove,6,teal" type=2 line=0 align=center use=sp num="0,black"]
داري بحبـك وانـت داري بحبـي=يكفى تكابـر يابعـد كـل الاحبـاب
اسكن بقلبك وانـت تسكـن بقلبـي=ليه اتَغلا يالغلا كننـا اغـراب ..؟!
تقول لي وش فيك وان قلت وش بي=قمت اتَعذر عندك اسبـاب واسبـاب
تاخذ من الآشـواق فيـك وتخبـي=ياللي لغيرك بالهوى مااحسب حساب
جيتك وانا مشتـاق واحلـف بربـي=انك لحالك ساكناً وسـط الاهـداب
يوم اذكرك وآنا وربعـي وصحبـي=ابوقتها كني بـلا ربـع واصحـاب
ماغير انـا ويـاك وانتـه بقربـي=تاخذني الذكرى عن وجود الاقراب
لبّـا عيونـك والقصـايـد تلـبَـي=لاقلتها بك تسلـب النـاس الالبـاب
[/poem]
ووقت الألمـ قاس جداً ,,ولغة الفراق موجعة
فأرحلي لامكان لك بالقلب ,,
[poem=font="Arabic Transparent,6,black,bold,normal" bkcolor="transparent" bkimage="backgrounds/7.gif" border="groove,6,teal" type=2 line=0 align=center use=sp num="0,black"]
قلتهـا تذكيـر والا عــز راســك ماخذلـتـه=حتى لو كنتـوا حبايـب أنـت هاللحظـة دخيـل
وادركت نفسي خسارة حلم.. بالماضـي رسمتـه=حبها ليه ايحيـا بـي ؟! حبهـا أصبـح قتيـل..!
ياقصيدي قل لهـا هـذا الطريـق اللـي اتخذتـه=ماالتفـت للخلـف وآنـا عنهـا أعلنـت الرحيـل
ولو يفكر ..فيها قلبي.. عقب هاللحظة .. قتلته..!!=قل لها مانـي مـن اللـي يقبـل الحـب الرذيـل
لو خسرت اللـي خسرتـه كبريائـي ماخسرتـه=لاتحاول بالأصيل ..ابن الأصيل.. ابـن الأصيـل
[/poem]
حبيبتي ,,,يامن رسمت ابستامة ربيعية جميلة على شفاهي
فاشرأبَّ لها شوقًا قلبي ..!
[poem=font="Arabic Transparent,6,black,bold,normal" bkcolor="transparent" bkimage="backgrounds/7.gif" border="groove,6,teal" type=2 line=0 align=center use=sp num="0,black"]
يابعد عمري تـرى حـان التقاسـم=والحروف اللي نبيهن هـن خمْـس
و"الفرح" لـه خلنـا نبـدا المراسـم=فيها نشعل نور لاغـي كـل دمْـس
وخلنا نبدا نفـك أصعـب طلاسـم=بالعزيمه كل صعب يـروح طمْـس
ليه مالدنيـا نجيهـا بوجـه باسـم=دامنا بنموت وندفن وسـط رمْـس
ودنا ناخـذ قـرار يكـون حاسـم=نصه "انّـا مانفكـر وش بالامْـس"
قلبـي اللـي مـل كيـات المياسـم=في ضجيج الحزن فاقـد اي همْـس
وحزني اللي بكّى لعيونـى مباسـم=شوف موجه غامس الضحكات غمْس
والجروح اللـي لهـا فينـا مياسـم=لاتلامـس واقعـي ويـاك لمْـس
[/poem]
بلغة خاصة يرسم للمحبوبة رؤية شخصية وسحر طاغ ,,,
[poem=font="Arabic Transparent,6,black,bold,normal" bkcolor="transparent" bkimage="backgrounds/7.gif" border="groove,6,teal" type=2 line=0 align=center use=sp num="0,black"]
ياحلاتك لامشيتـي ابنرجسيـة واختيـال=حسنك الطاغي وسحرك منهو اللي يجاكره
فارقه عن زين غيرك ..شامخة مثل الجبال=واثقة خطوة تبختر ..في محيـط الذاكـرة
لا كـلام ولامقـام ولاقـوام ولاجـمـال=لاحضور وجاذبيـة لا وصوفـاً ساحـرة
تزعلين ان ماعزمنّك صاحباتـك باحتفـال=مايبونـك يااللـي دايـم للصبايـا قاهـرة
يلبسون ويكشخون ويشترون اللي محـال=وانتي والله لو لبستـي أي شـي امغايـرة
تسمعين اعجاب دايم بـس ماتلقيـن بـال=وان شكرتي تشكرين ابنظرة اللي امكابرة
[/poem]
آه من وجع الصغار ,, حينما تختفي البسمة ,,
وتذبل ورودهم ,,فأي وجع يحتمل قلب بسمة ...
التي فتك بها السرطان ... شفاها الله وعافاها ...
[poem=font="Arabic Transparent,6,black,bold,normal" bkcolor="transparent" bkimage="backgrounds/7.gif" border="groove,6,teal" type=2 line=0 align=center use=sp num="0,black"]
وردة وذبلت والشقا بوجههـا بـان=تسهر ألم من سقم مايرحم الحـال
احلامها راحت عقب ليل الاشجان=والعابها مـاردت الدمـع لاسـال
ورسومها تشكي على مر الازمان=من وقتها اللي راعها بكل الاشكال
طفلة تشوف الموت قرّب ولاحـان=تبكي وكلن قابـل الدمـع باهمـال
وابوها يبكي والفقر فيـه عنـوان=يومن غيره لاهي بجمـع الامـوال
عندي سؤال موجـه لكـل انسـان=وابغى إجابة صادقة منـه بالحـال
كم فيه بسمة بيننا اتعيش الاحـزان=من يرسم البسمة على شفاه الاطفال
[/poem]
اليها
جميل جدا هذا الإيقاع ...
رغم انه ملئ بونات ...وآهات ..
وقد ترصعت ببيان عفوي
كلمات تسكن الوجدان بلا استئذان ..
[poem=font="Arabic Transparent,6,black,bold,normal" bkcolor="transparent" bkimage="backgrounds/7.gif" border="groove,6,teal" type=2 line=0 align=center use=sp num="0,black"]
أنـا ويـاك والدنيـا وحـظ(ن) مارحمنـا يـوم=كتبنا قصة (ن) تبكي وبكّت من بكاهـا سطـور
نحسب ايامنا تصفـي نسينـا حظنـا المشـؤوم=ضحكنـا ماتخيلنـا نجـرب دمعـة المقـهـور
تذّكر عاهدك قلبي على حـب(ن) عفيـف يـدوم=بنينا حلمنا عـش(ن) ومـات بداخلـه عصفـور
عشقت العشق من شانك عشقت الخاطر المحشوم=عشقت الليل لامنّه على اكتافـك غـدى منثـور
عشقت حروفن باسمك وسـام بخافقـي مختـوم=عشقت عيونك وخدك وقـدك ياجمـال الحـور
تذّكر يوم انا جيتك وشفت الدمـع بـك مرسـوم=علامي كل ماجيتك حبيبـي ضايـق وممـرور
لـك الله ماتحملهـا اشوفـك تبكـي ومهـمـوم=أبي منّك وعد بانـك تكـون بدنيتـك مسـرور
وابي تنسى أبو ماجد وتنسى الحربـي المكلـوم=وابي تنسى القصيد اللي سبب بعدك غدى مكسور
[/poem]
كلمات يرددها العاشق بصدق وتخلق الروح الرومانسية في تصرفاته وسكناته..
[poem=font="Arabic Transparent,6,black,bold,normal" bkcolor="transparent" bkimage="backgrounds/7.gif" border="groove,6,teal" type=2 line=0 align=center use=sp num="0,black"]
ابـك انـا ماعـنـدي نـيـة لـيـه تجـفـل=قــرّب اكـثـر لاتـســاورك الـشـكـوك
وان نويـت اسـرق لـي حبـة حيـن غفـلـة=خرب الخطة بقولة جوووووووك جوووووووووك
وان سلـم مـنـي وانــا عــودت خـاسـر=قــام يضـحـك لاكسبـنـي هالـضـحـوك
وقلـت قـبـل آروح مــن شـيـاً جـرالـي=آآآآه ياقـهـري يـاحـظ امــك و ابـــوك
[/poem]
فيتاغورس والرياضيات ... ودرس صعب الهضم ...
صاغه شاعرنا بطريقة اسهل مما يبدو ...
[poem=font="Arabic Transparent,6,black,bold,normal" bkcolor="transparent" bkimage="backgrounds/7.gif" border="groove,6,teal" type=2 line=0 align=center use=sp num="0,black"]
سألت نفسي ليييه مااستوعب الدرس=رغم اني دارس كن ماني بـدارس
بس اللي يشقى بك وبعيونك الخرس=يبي يجيب العيد بثنين مـاررررس
في مدرسة حبك انا ماخذن كُـرس=وكتاب وصفك له بقلبي فهاااااارس
ضاقت دفاتر عاشقك وانتحر طرس=كيف اكتبك يابنت شيخاً وفـاررس
ياليعربية وش حلا الروم والفـرس=زينك خسف بالروم وبلاد فـاررس
ليته درى بالزيـن هـذا فيثاغـرُس=ماكان ضيّع قلب لـك دوم حـارس
عز الله اني وقتها آآآموت بالـدرس=لاصار لك منهج بكل المدارس..!!
[/poem]
عرف بنفسه بكلمات صاغها أتت سلسة تجبرنا على القراءة
هذا انا ..
هذا أنا...!
ياللي سألتي
من أنا?!!
إجابة
أكبر من مقال
صارت سؤالاً
مع سؤال
فيها اكتشفت
إن الكلام
اللي تظنينه كلام
أمره محال
واني انا
وسط الظلام
وهالجروح اللي تشابه
أعمى وحلمه
قبل لايرحل
سنا
.
.
.
.
أو حالماً
يزرع أمل
في وسط غابة
ياحرااااااااام
الياس كل اللي
جنا
.
تمنياتي لكم بأوقات ممتعة في رحاب ابن ماجد ,,
ودي ووردي ,,