[poem=font="simplified Arabic,5,blue,normal,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
ياصاحبي بقولها ولا علي من الكذوب = هذي حقيقه والحقيقه قلتها في حلها
لو كل هالعالم بهم طيبه مثل قوت القلوب = ماكان شفت الناس تقتل بعضها من غلها
اقدر اقول الطيبه بانحائها دايم تجوب = ولو تقدر تبل القلوب القاسيه بتبلها
احس طيبتها تكفي للشمال وللجنوب = والشرق يعطي غربها ولا تخلص كلها
هذيك تتسابق على خطواتها كل الدروب = من رقة خطاها احس ان الدروب تدلها
ان سولفت والله تبلعها مثل ماي الشروب = ماهي مثل بعض العرب ماتنبلع من ثقلها
لو قالت ان الماء يروب اقول صح انه يروب = ماهو جهل لكنّ خل اهل العقول تحلها
نوب ٍ تجيني كلها طفوله ولكن ّ نوب = اكبر من اهل الفكر واهل الفلسفه في عقلها
سبحان باريها وفارق هالحلا عن الشحوب = طالبك ياربي تخليها وتسعد أهلها
ياصاحبي بقولها والحق ماهوب مغلوب = هذي حقيقه والحقيقه قلتها في حلها
لو بوش يرضى يقتدي في عمته قوت القلوب = ماكان فكر في العراق وحاسها واحتلها[/poem]