السلام عليكم ورحمة الله وبركاته
اخواني الاعزاء اعضاء ومشرفين هذا المنتدى الكبير
بعد ها الغيبه الطويله عن اضواء المنتدى لاسباب امنيه . .
رجعت وانا احمل لكم المواضيع النادره والقصائد العطره . . .
وحبيت ان انزلكم قصيده من الارشيف . . .
لشاعر : بدر بن سعود الكميهاني العوني المطيري
[poem=font="simplified Arabic,5,black,normal,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
الا يابن فيحـان قـم شغـل الجيـب =في خاطري مشوار مع شقـة النـور
والذيب من عمره وقف جمبه الذيـب =وانته لها ياكاسب الطيـب والشـور
من الرحاب امسك طريق النويصيـب =واخذ الجسر من قبل لايقبل السـور
اخذه يمين وتلقى في جمبـك البيـب =خله يميـن وكمـل الـدرب بالفـور
ومن بعد ماتقبل مـن المنفـذ قريـب =ويقرب عليك المفرق الي ورى الزور
حظر جـوازك لسفـر والمواجيـب =يم الديار الـي تعمـر بهـا قصـور
ديار منهم باللقـى خصمهـم شيـب =سيفين مع نخله وقوس(ن) بها يـدور
ديرة هل العوجا سيوف(ن) محاديـب =اديار ابو متعب ولا صاح اخو نـور
ولاياقـف الا عنـد كسابـة الطيـب =اهل الشداد الي رقى فـوق مظهـور
خمسة رجال(ن)مع طوال الاشانيـب =تاقـف مواقيف(ن)تولملهـا حضـور
لاشك في هذا وابوهـم عـن العيـب =جنب طريق العيب بالطيـب مذكـور
(ابن شجاع) وسـد كـل المطاليـب =ذخر الرجال ولا على السامع قصور
كيـف اذكـره واجملـه بالمواجيـب =وذكره سبقني بالمجالس من عصـور
اسمه تفاخر بـه رجـال المكاسيـب =واليا حضر ياقفلـه الطيـب مجبـور
في مجلسه تلقى الـدلال المشاهيـب =من وارد الرسلان من عمر ودهـور
بالمجلس الـي ذكرهـم بالتراحيـب =وعلومهم بالطيب والجـود لـه دور
هذا الصحيح ولا على قولنـا ريـب =قول الصراحه واجب وجاك بسطور
قول ابن عون وجابها لك على الغيب =بيوت شعر(ن) جبرت كـل مكسـور [/poem]
وارجو ان تنال على اعجابكم
ملاحظه : ارجو من جميع شعراء المنتدى طرح الرأي في هذي القصيده او اي ملاحضات
وشكراًَ
رد مع اقتباس
