بسم الله الرحمن الرحيم
السلام عليكم ورحمة الله وبركاته
أتمنى أن تكونوا جميعا ً على أحسن حال :)
بعد طول غياب أعود بهذه المشاركة عسى أن يكون العود أحمد ُ
و أني لرحب الصدر لما يصدر منكم من نقد
يالله نبدأ
بسم الله
[poem=font="simplified Arabic,6,red,bold,normal" Bkcolor="transparent" Bkimage="../backgrounds/11.gif" Border="none,4,gray" Type=1 Line=0 Align=center Use=ex Num="0,black"]
اليوم عيد الحب والـراي محتـار = العيـد للجمعـات وأنـت ِ بعيـده
كل الهدايا داخـل الـراس تنـدار = ودي بهديـة بـس لازم جـديـده
فكرت في عطر (ن) مع باقة أزهار =قلت العطر منها ! والأزهار بـيده
قلت أنسج حروفي على هيئة أشعار = ثم قلت عينه بـس ميـة قصيـده
وظليت تايه في متاهات الأشـوار = لين أهتدى فكري لفكـره سديـده
أشق صدري مع ظلوعي بمنشـار = وأشيل قلبي وأفصله عـن وريـده
غسلت قلبي في محاديـر الأنهـار = وغلفت جدرانه بـحاجـه فريـده
نزعت روحي دونما سابق إنـذار = ولفيتها من حـول قلبـي جريـده
لجلك كتبت الشعر في عيـد كفـار = رغم إعتراضي والقهـر والمكيـده
تضاربت فيني المشاعر والأفكـار = بين الرومانسيـة وبيـن العقيده
لني أشوفك غير عن كـل الأقمـار = ونورك يطفي كل شمس (ن) وقيده
ودي بقتلك وأدفنك بيـن الأوتـار = أوتـار قلبـي كلهـا لـه عبيـده
مثل الملك يوم أعجبه صنع سنمار = بعـد البنـا راح أقتلـه لا يعيـده
مثلي أبيك تكون لي حبـي البـار = وتموت في حبي وتصبـح فقيـده
في غيبتك قلبـي تساقـط وينهـار = برج التجارة يـوم يُنثـر حديـده
إن كان عيد الحب في عام ينـدار = شوفك يسر القلـب ويعيـد عيـده[/poem]
وسلامتكم
اتمنى أن يكون عزفي في مستوى ذائقتكم الشعرية وإلأا أكون قد تسببت بالضيق لأي إأنسان بسب موضوع القصيدة
كلي أمل في نقدكم وتوجيهاتكم :)
العابد للرحمن // نبيل بن عاجان