النوايا سليمه

[بدر ناصر المورقي]

محمد نايف

مرورك ياشاعرنا الغالي بدون اي اطراء اعتبره اكثر من خمس نجوم للقصيده فما بالك مع الاطراء

مرور اللي مثلك وشرواك ينومس يامحمدوشهدتك وسام فخر لاعدمتك

صحة ابدانك لا عدمناك

تحياتي

[أبوعبدالرحمن]

ابوناصر

جزل ومبدع دوما يالغالي


صح قلبك وكلك


وسلمت اناملك

تحيتي لك

[بدر ناصر المورقي]

افهم كلام اللي خوالـه (غنانيـم)
افعالهـم يـوم الفعايـل عديـمـه
بدر ولد هـاك الفهـود المغانيـم
المورقي سـم اللعيـن وجحيمـه

ونعم وسبعة انعام فيك وفي ربعك وفي خوالك
ابو ناصر انا كنت جاي معصب وادور الهوشه معك عشان من مبطي مانزلت لنا ولاقصيده لكن تبغى الصراحه اول ماقريت قصيدتك هذي رضيت عليك
كفيت ووفيت يالذيب
قصيده جزله ناقشت موضوع مهم
صح لساااااااااااااااااااااان ك من الحين الا يوم الدين
لله درك يابدر دايم تجيبها فالصميم
تقبل مرور المتواضع
تحياتي وتقديري لك

مرحبا مليون يالعارضي

وماعليك زود يالذيب وصحة ابدانك

واهم شي انك تكون دايم راضى ارضاك الله دنيا واخره

ومرورك شرف واطرائك وسام

تحياتي

[مفرح بن مناحي]

صح لسانك يا بدر

والله إني احترت وش اختار من هالجزلة

كل بيت يقول الزين عندي

لله درّك يا بدر

وبانتظار جديدك

[بادي السبيعي]

[align=center]صح لسانك يابدر[/align]

[بدر ناصر المورقي]

محمد الدغيري

المميز مرورك الدائم اللي دائما يشرفني ويسعدني

صحيت كلك يامحمد

تحياتي

[بدر ناصر المورقي]

منور العوني

ماعليك زود ياذيبان

وشرفني مرورك واطرائك الجميل

صحيت كلك لا عدمتك

تحياتي

[محمد السبيعي]

بدر ناصر المورقي
شاعر رائع تستلذ بما يبدع من قصائد رائعة


صح لسانك

ودمت بخير

[بدر ناصر المورقي]

محمد بن ضاوي

مرحبا والله ومسهلا

يسعدنى مرورك ويشرفنى ونومسني اطرائك

صحيت كلك

تحياتي

[بدر ناصر المورقي]

شاعرنا العزيز والاخ الغالي محمد الجبريني

مرورك ياطيب الذكر يسعدني ويشرفني

والعملاق يامحمد حضورك المميز لاعدمناه

صحيت كلك

تحياتي

[صلاح الأحمدي]

[align=center]السلام عليكم اعضاء وزوار غرابيل النايف ارجو ان تنال اعجابكم[/align]

[poem=font="simplified Arabic,6,darkblue,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
سمح المحيا والخوافي مجاهيم= يخفى مصايب بالحنايا عظيمه
لو يكشف الخافي ملا العالم الضيم= وخلاّ ثمار الارض علقم عقيمه
مذنب ليا من صام عن كل تأثيم= افطر على ذم وتسحر نميمه
مستهدف قلوب النشامى المحاشيم= كبواتهم في شرعه اعظم غنيمه
زلات خلق الله (فـ) سمعه ترانيم=وترقص طرب منها النوايا الاثيمه
ويعزم على العثرات حفنة مهازيم= ماسرح اطيبهم بتالي بهيمه
ما الله عطاهم من خيار المقاسيم= سود الوجيه من الوقاحه دميمه
مرضى القلوب امن الشهامه معاديم= لنهاشة الجيفه عساهم وليمه
ويعد حاله من ضياغم شغاميم= ولو ماله بعين الشغاميم قيمه
ولا ربى بين الحرار الصواريم= ولاجابته بنت الرجال الكريمه
اللي لهم فعل الحداد الصماصيم=قومٍ على روس النوايف مقيمه
منطوقهم مثل المزون المرازيم= يشفي عقولٍ من جهلها سقيمه
والامر لو بيدي علي الملازيم= ماشفت فوق الارض نفسٍ ذميمه
يالله ياسامع دعاء المظاليم = سلط على امثاله قوي الشكيمه
واتحطمه كف المقادير تحطيم = واتجرعه مر القهر والظليمه
والقبر جعله نار ماتقربه ديم= والدود يرعى في بقايا هشيمه
ويوم القيامه ماتظله تراحيم= وفي ويل يرمى ويتجرع حميمه
افهم كلام اللي خواله (غنانيم)=افعالهم يوم الفعايل عديمه
بدر ولد هاك الفهود المغانيم= المورقي سم اللعين وجحيمه
الفقر ماهو ان جا رصيدك ملاليم= الفقر فقر النفس عزه وشيمه
ومادام خطواتي تعلت على الغيم= ما حاتي ابدربي حبايل لئيمه
الله خلقني ذرب واعذب من الديم= سمح المحيا والنوايا سليمه[/poem]
[align=center]بدر ناصر المورقي[/align]

الله عليك يا بدر

الله الله الله

قصيدة من روعة الإبداع اللي فيها تجبر القارئ إعادة القراءة مرة أخرى وأكثر

قصيدة لذيذة النزف يا بدر

بدر بن ناصر المورقي

صح بيانك وكلك ، لاهنت ، مودتي.

[يوسف عبدالله الغنامي]

بدر المورقي


صح لسانك وعلا شانك


قصيده رائعه وهادفه


لله درك من مبدع

[عبيد الكثيري]

الشاعر/بدرناصرالمورقي
اللة اللة اللة اللة
صح اللة لسانك الف مليون
ومني اهديك هذا البيت على ابداعك
&&&&&
عليك بوجية الرخوم المهازيم
مثلك يابن ناصر يابالة عزيمة

ولــك ازكـــاءالتحايـــــــا
عبيــدبن صحيــن الكـــثيري

[بدر ناصر المورقي]

طلال سويعد

ياهلا والله ومرحبا

صحيت كلك ياشاعرنا العزيز

كل الشكر على المرور الكريم

تحياتي

[بدر ناصر المورقي]

خالد

هلابك والله ومرحبا

شكرا على مرورك الكريم

وصح بدنك

تحياتي