[poem=font="Simplified Arabic,4,black,normal,normal" bkcolor="transparent" bkimage="" border="outset,7,red" type=1 line=1 align=center use=ex num="0,black"]
حسافة ذا العيون السود تبكي قلت: وش جاها=وتنثر غربة المشتاق للي ضاع بأوطانه
شَكَت من لوعة تصرخ وهمٍ زاد بحشاها=وقالت لعنبوه الحظ ،، ما يسخى بخلانه
تعرف الحب يا محمد عطش لو كثروا ماها=ولا تغّتر من قول الصغير،، أن الهوى دانه
محد مثلي مشى دربه ،، حثيثة حيل بخطاها=حسبت إن الغلا .. قدّر خطى تمشي على شانه
بنى لي من بيوت العز شيٍ حيل علاها=وأنا من طيبتي تدري ، ، أحسب الطيب بأركانه
ولكن!!.. قِلت: يا حصة وش اللي صـار بكاها ؟= تناظرني بعين ، ، الله كم في العين وأحزانه ؟
وقالت صك ذا السيرة ،، وحصه همها أشقاها=ولا تسأل عن اللي صار ، ، حصه حيل تعبانه
آلا يامن كِسر خاطِر ، ،(بنيه)، ، ، يوم تلقاها=همومٍ تتدرج حولك ، ، وتـعزف لك من ألحانه
يجيلك من الزمن لحظه ،، وروحك حان فرقاها=ولو حصة معك بالطيب ، ، هدت روحك بريحانه
أفا يا حيف من رجلٍ يخون الصدق ، ، يتباها=وينكر عِشرة المعروف ، ، بدلها بخسرانه
وكم حصه بهالعالم ؟ ، ، وكم رجال عناها؟!=بلا ذنبٍ بنات العز ، ، صار اللعب بإنسانه
أمانة في الحياة آيات ، ، ، ولكن وين نقراها=بعين الحب والأخلاص ، ، ولا عين حيرانه ؟؟[/poem]
[align=center]وسلامتكم
محمد الاسمري[/align]