يالله صباح خير ...؟
وراك معصب على الريق ..؟
رد عليه وقال .. ياشيخ والله انه ما عنده دم
ولا عنده من علوم الرجال ولا شي ..؟!!
اف اف ياشيخ صلي على رسول الله
منهو ذالي ما عنده دم
وقاعد تسب فيه على الريق
رد عليه .. ياخي واحد من اصحابي
عزمني امس بعد العصر على العشا
وقال بعدصلاة العشاء تكوني عندي
عشان نسمر صح ونتعشا ونبسط لا وقال كمان
جيب اهلك عند الاهل عشان يسهروا مع بعض ..
طيب ممتاز وش صار بعد ؟
رد عليه متنرفز ..قال وش صار قال
اقولك ما عنده دم وما عنده من علوم الرجاجيل ولا نتفه
ياخي كمل كلامك ولا تقعد تسب فالرجال .. وش صار يوم انك
معصب كل هالعصبيه ..
رد.. رحت انا وأهلي وسنترنا على الباب من بعد العشاء
دقينا جرس جرسين ثلاثه
محد فتح ..
رغم اني حاسس أنه في البيت هو واهله ..
طيب ..
المهم بعد نصف ساعه فتح الحبيب
وبكل برود يقولي اهلين عبدالله ... سامحني
ما اقدر استقبلك انت واهلك اعذرني ولا تزعل مني
كيــــــــف ؟؟ :11sted_re
وش قصدك ارجع من عند الباب
ياريت ياعبدالله بس سامحني دخيلك .
شفت كيف انه ما يستحي على وجهه يرجعني من على بابه
افا والله يرجاجيل .. وين رجاجيل زمان :زعلان:
حقيقه انا خليت خويي عبدالله لين خلص سالفته
وقلت له يا اخي هدي اعصابك
ليش تزعل على الرجال
يمكنه متهاوش مع اهله
او عندهم مريض
او مر بضرف طاريء
وبعدين الله سبحانه قال ( وإذا قيل لكم ارجعوا فرجعوا هو
ازكى لكم ..الايه )
ياخي حط مكانك بمكانه وعندك ضرف وجايك ضيف
بتصرفه والا بتفتح له
بعدين جزاه الله خير الى طلعلك واعتذر منك وطالبك
السموحه ..بدل ما تعذره وتلتمس له العذر جاي تسب فيه
من صبح الله .. الله يهديك ..
----
الاخوه والاخوات هذي قصت خوينا عبدالله الى طرطع من هالي
عزمه وبعدين رجعه من على الباب
لو هل القصه صايره لاحد منا وش راح يكون ردة فعله
وهل راح يتقبل الامر بسهوله
وهل بياخذ موقف من صاحب الدار
انتضر رأي ومداخلات الاخوه والاخوات جميعاً
وتقبلوا احترامي