0
0
0
0
0
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
شب الحطب يامشعل اليوم شبه = وضبط لي الدله وزود من الهيل
محلا السمر دام الهبايب تهبه = مع لمعه الجمره على ظلمه الليل
تحلى السوالف مع عزيزٍ تحبه = في حزة القمره ومع طله سهيل
وماهو خسيسِ في كلامك منبه = ويقايس الزله بالأشبار والميل
ياعزوتي قدرك على راس قبه = ولك بالمراجل هامةٍ وإلك تبجيل
ولك بالوفا مثل النهر في مصبه = وفيك الكرامه طبع يامنبع السيل
حافظ لسانك من هروج المسبه = ولا تلتفت لمدور القال والقيل
وتاخذ من المعنى حصيله ولبه = وتوزن كلامك ماتزود به الكيل
ياصاحبي قلبي لقى اليوم طبه = ومالي غناةٍ عنك ياسيد الجيل
يسلم لي الغالي ومن خاف ربه = وقرب لي الدله وهات الفناجيل[/poem]
فالح الشلوي
رد مع اقتباس
بركان الحـــرف الثأر
