السلام عليكم ورحمة الله
إخواني..أخواتي.. أسعد الله أوقاتكم بكل خير...
أعزائي.. هذه مجاراة بيني وبين الأخ والشاعر..نبيل أبن عاجان
هو مشرف في المنتدى الذي أكتب فيه..صاحب أخلاق كريمه..همزة وصل بين
الأعضاء..يقوم بمساعدة الجميع..
رغبت فـ/الدخول بأحد المنتديات ولم أتمكن من ذلك وطلبت
منه المساعده..في رسالة خاصه بعنوان ميانه..
ووعدني.. ولكن تأخر عن الرد تقريبا أسبوع..وأنا من عيوبي(العجله)
فكتبت هذه الأبيات ندما على ميانتي..في قسم تسجيل الحضور..
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
طلبتك ليـت ماصار..وُطلبتـك=الاياشينها. .بـعـض الميـانـه
أحَسْبنّا صحيـح إخوان..لكـن=أشوف الْكلّ..لاهي فـي زمانـه
واعَذْرك..كان ماتسمح..اظروفك=لاشك السّفْهْ..نوع مْن الإهانـه [/poem]
وبعدها تفاجئت بهذه القصيده التي كتبها في قسم الشعر بإسم رسالتي(ميانه)
وهو يقول....
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ديانتنا على نفـس الديانـه=وكل ٍ يمتطي صهوة حصانه
مبادءنـا الأمانـة والأخـوة=وأنا كفو الأخـوة والأمانـه
أنا فيني قساوة بـس فينـي=عروقن طيبة فيهـا ليانـه
فلا أكسر ولا أعصر ولكـن=أميّـل فالهـوا كالخيزرانـه
عطيتك كل ماعندي ولكـن=ظروف الناس تقهر يا فلانه
إذا إنسان متهومن بجرمـن=نعاقب يوم ما تثبـت إدانـه
ترى النية مطية كـل عابـد=ولا قصدي أسبب لك إهانـه
أنا لا ما سفطتك أو سفهتك=مقامك فوق محشومن بشانه
أنا آسف وعذري لو دريتي=عذرتيني ولا خفتـي ميانـه
ولا أعتب ولا أزعل عليهـا=لأني خابرن فيهـا رصانـه
وطيب وذوق وأخلاقن كريمة=أصيلة مامشت درب الخيانه
لها حشمة لها عزة وقيمـة=ولا توصل مكانتهـا مكانـه
سلام ايصافح ايديها النظيفه=عليها الله وسط الأرض دانه [/poem]
فكتبت هذه القصيده ردا متواضعا..عسى أن يصل
لذائقة الجميع...
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تفاجئت ولفت شوفي ميانه=وهالعنوان يعنيني وشانه
ودخلت وشفت روعة هالقصيده=وعرفت أهدافها وشهي عشانه
نعم كفو الأخوه والأمانه=عزيز وقرم يالرجل التكانه
علي الله يشهد كم أعزك=ولك فالمنتدى قدر ومكانه
وأنا اللي آسفه واعذر فضولي=وأنا اللي من كرم شخصك مدانه
تهيّض خاطري وامطر قصيدي=يسابقني على نغمة ميانه
وتمعّنت..بْـحروفك واعجبتني=وتحرك قاف شعري من مكانه
تمهل ياقصيدي بالهداوه=أخاف الناس واخشى اهل اللعانه
عليك الله ياشعري تراني=أحب العقل وأحب الرزانه
وعصاني فيض شعري ماقدرته=وطلع من غير رخصه واستذانه
طرب لابيات شعرك يوم جتني=ون ماجا اليوم ماللشعر خانه
سلمت ودمت يالشاعر تراني=ما امون الا على كفو الميانه
وسلامي واحترامي وكل شكري=لشخصك عد ما يرفع أذانه
[/poem]
رد مع اقتباس
المشاركة الأصلية كتبت بواسطة محمد الدغيري
