[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لوالوفا يبدي علي وجه راعيه=ماكان في بعض المعاني فتلنا
ولو الحسد يبدي علي وجه مغليه=ماكان أصاب القلب شكنٍ وضنا
أبيع في سوق الحزن هم واشريه=واطرد سراب احلام فكرٍ تعنا
واكتب من الونات شعري واغنيه=واصور الابيات منا ومنا
واشرب سراب احلام فكري وتضميه=سود اليالي غربتي واقبلنا
يالله ياعالم بشيٍ مخفيه=شيٍ قديم وشي توه وصنا
تفرج لقلبٍ كايد الهم طاويه=ماجات هقواته علي ماتمنا
انت العليم بحست الصدر وش فيه=وانت الوحيد اللي علاه اتكلنا
يافرد ياقيوم ماغيرك ارجيه=يامن خلقنا من تراب وكفلنا
النا علي الطيب حقوق ومشاريه=ويضا حقوقه والمشاريه منا
بعض العرب بانت علانا خطاويه=وياما حفرنا للكثير ودفنا
ونقول يمكن يمتنع عن هفاويه=ويبنى اقصورٍ للمعالي تبنا
ويسري مسارى الذيب حتى نخاويه=والله ياعن راع الوفا ماتونا
يابعد هقواتي وياشين ماضيه=انخاه للعليا لكنه خذلنا
يانفس من للقاك مقرن علابيه=عيفيه لو هو قال حنا وحنا
مايرتخي راسٍ علي العز رابيه=اعلوم ابو وجهين مايخلفنا
ابوي وصاني وغيري بوصيه=((دنياك ماتمشي علي ماتمنا))
ياسامعين الشعر وأعذب قوافيه=المعذره لن كان فيها جهلنا
هذا الكلام وبيح السد خافيه=والخاتمه يارب تحسن عملنا [/poem]