مساءكم كادي وبرائحة الورد الطائفي يتعطر
هذا المساء
لنا وقفة مع نجم لمع في سماء غرابيل
ܓܨܓ بعيد المراميس ( زعم الغنامي ) ܓܨܓ
اسم غني عن التعريف
وعلم من اعلام غرابيل
برز في المحاورة
وامتعنا باجمل احاسيسه
نسج لنا من خياله قصائد استهوت قلوبنا وعقلونا
تنقل بنا في مختلف الحالات الوجدانية
وفي جميعها ابدع
نداء لقلب تلك الجميلة التي مضت ولم تلتفت الى القلب الذي تعلق بهواها ,,,
[poem=font="Simplified Arabic,4,white,normal,normal" bkcolor="black" bkimage="" border="double,9,teal" type=2 line=0 align=center use=ex num="0,black"]
يازين لوتسمـح تـرد المراسيـل"=وين انت عني يالغضي وش غدابك
دزيت لـي يمـك ثلاثيـن ايميـل"=ولامنهن اللـي رد يمـي جوابـك
شرحت فيها الوضع جمله وتفصيل"=واللي حصل ياسيدي فـي غيابـك
واجهت في فترة غيابـك بهاذيـل"="ذقت المراره في رجـاك وعذابـك
انا سواة الطير طـرح المحابيـل"=اللي وقع من طمعتـه فالمشابـك[/poem]
((الحياة اكبر مدرسة))
منها نتعلم وشهادتنا أصعب الشهادات من خبرات الشاعر في هذه الحياة نسج لنا قصيدته
[poem=font="Simplified Arabic,4,white,normal,normal" bkcolor="black" bkimage="" border="double,9,teal" type=2 line=0 align=center use=ex num="0,black"]
آخذٍ مـن زمانـي حنكتـي بالمـراس"=مـاردي جـم ماوردتهـا للـرسـوس
ياعشيق البعيد النـاس ماهيـب نـاس"="والحياه التجـارب والتجـارب دروس
اعشقك هذا حقـي يالعيـون النعـاس"="حتى لوان قلبي بيـن رمـحٍ وقـوس
بانيلك بجوفي ساس من فـوق سـاس"="وانت في نون عيني بالرموش محروس
بك جمالٍ عن العالـم تعـدى القيـاس"="مثل عقدٍ تلالا فـوق جيـد العـروس
وسط خدك شعاع وليل رمشك غـلاس"="والمحاجر سناها تركع الـه المجـوس[/poem]
هل اندثر زمن الصداقة الحقيقة واصبح الزيف يلف كل العلاقات الانسانية هذا ما تتحدث عنه هذه الكلمات ,,,
[poem=font="Simplified Arabic,4,white,normal,normal" bkcolor="black" bkimage="" border="double,9,teal" type=2 line=0 align=center use=ex num="0,black"]
على طارَ الصداقه والصديق الصـادق الكـذاب=على طارَ الرفيق اللـي يفتّـل روس اشانيبـه
على طارَ المعّزه والغـلا ومعاتـب الأصحـاب=على طاري رجـال ٍ تتبـع النمـات والغيبـه
تغَني يابنات الفكـر مـادون الشعـور حجـا=مـدام ان الشعـر لـه هيبـةٍ ياحيهـا هيبـه
ابا اسج القدم وارقى برجلي عالـي المرقـاب=واعـدي راس مزمـومٍ تهيضنـي مراقيـبـه
على ماقيل في سوق المعَرْفَـه بايـع وجـلاب=ولابه رجل ماياخـذ دروسـه مـن تجاريبـه[/poem]
احدى الحالات الشعرية المميزة نسج من خلالها هذه الفكاهية الجميلة ,,
[poem=font="Simplified Arabic,4,white,normal,normal" bkcolor="black" bkimage="" border="double,9,teal" type=2 line=0 align=center use=ex num="0,black"]
سـلامٍ ياعـام الفيـن=مابـه فـل ولاكــادي
سـلامٍ مالـه تثمـيـن=ينسـاق ولاينـقـادي
منت بشين ولانت بزين=صراحه شكلـك عـادي
تطري لي لاشفت ثنين=الشحروره مـع فـادي
ياحبحب على السكيـن=سكين الحبحب غـادي
منهو يرقى سور الصين=شاف المحيـط الهـادي
الـو الـو بابـا فيـن=كم لـك ياعـمّ تنـادي
ابلشـوك الوراعـيـن=سـردادي يـامـردادي
انته صراحـه مسكيـن=ماتوردهـا المـيـرادي[/poem]
الحب يسكننا فيظهر أجمل مافينا ...
[poem=font="Simplified Arabic,4,white,normal,normal" bkcolor="black" bkimage="" border="double,9,teal" type=2 line=0 align=center use=ex num="0,black"]
الا يانجـم يالنجـم السمـاوي=كلامٍ هاض به هجس الشقاوي
تسمّع يوم هيضـت المشاعـر=وانا في جوي لحالي خـلاوي
اهجرس باللحـون السامريـه=على ممشاي مع وقع الخطاوي
واخيلك وانت مالديـت يمـي=ولاتسمع من الشاكي شكـاوي
وانـا لله حالـي واحتمـالـي=هو اللي يعلم بحالـي ويـاوي
سبايـب هـمٍ بداخـل فـوادي=طواني منه عشرين الف طاوي
[/poem]
قصيدة مختلفة تحمل حس فكاهي
[poem=font="Simplified Arabic,4,white,normal,normal" bkcolor="black" bkimage="" border="double,9,teal" type=2 line=0 align=center use=ex num="0,black"]
البارح شفت اليه جني= فالحوش وروعني راعه
لابسله طربوشن بني= ويقبس لـــي بالولاعـــه
قال اسمعني واقرب مني= وقت لي ياخوك الساعه
قلت ابشر لكن علمني= وش جابك من سابع قاعه
قال انته فالليل تغني=ويطرب لك قلبي واسماعه
واوحي قافك يوم يدني=وفوادي غـــــادن قرقاعه
قلت ان كانك شاعر فني= قوم اقرح والصاع بصاعه
قال الوقفه على اني= والثانــــي ميقافـــــه آعــه
قلت الوقفه ماتشحني=ابعد رمسي مع مرماعه[/poem]
فكرالعقل وترسيم المبادئ ونهج الروح الأيمانية ...
[poem=font="Simplified Arabic,4,white,normal,normal" bkcolor="black" bkimage="" border="double,9,teal" type=2 line=0 align=center use=ex num="0,black"]
دوك مني نصيحـه يالظميـر النصيـح=ماش طيـر ٍ يبـا يكفـخ بليـا جنـاح
ميز الوجه الابلج ثـم تعـرف القبيـح=فيه فرقٍ مثل فرق المسا عـن الصبـاح
سد باب ٍ مـع الايـام جـا منـه ريـح=ماتبّـج الحيايـا غيـر سـم ٍ ذحــاح
والذنـوب الثقيلـه ماتجيـك بمـديـح=والخفايف تروّح مـع هبـوب الريـاح
[/poem]
كلمات تظهر قوة الشكيمة والمقدرة الادبية لدى الشاعر ...
[poem=font="Simplified Arabic,4,white,normal,normal" bkcolor="black" bkimage="" border="double,9,teal" type=2 line=0 align=center use=ex num="0,black"]
تقدح على هجسي بنـات افكـاري=وخشم الفتيله شـب فيـه زنـادي
الشحن جاري والهواجس تشحـن=وسلك المشاعر بالشعـر منقـادي
الذود ذودي والوسـوم وسومـي=والسيف سيفي والشـداد شـدادي
آرد على العد الرهـاوي ..راهـي=ولااصـدّر الا خابـر ٍ مـيـرادي
أضحك على المجنون قدم اضحك له=وابكي على الماضي وورث اجدادي
(ولـو أنـي أذا ناديـت حـيـآ)=ولكـن لاحيـاة الـمـن تـنـادي[/poem]
من منا لم تثقله ذنوبه ,, أوبة الى الله وطلب مغفرته وعفوه ...
[poem=font="Simplified Arabic,4,white,normal,normal" bkcolor="black" bkimage="" border="double,9,teal" type=2 line=0 align=center use=ex num="0,black"]
هاض من غيض هاجوسي وفاض القريح=والمشاعـر تـوارد فـوق عـدٍ قـراح
اجذب الها مـن زلال القوافـي واميـح=لين صدري من الهاجوس والوجد فـاح
ياشحيـحٍ كريـم وياكـريـمٍ شحـيـح=شاش هجسي معك بين المجي والمـراح
بين رجوى الاماني والشعور الصريـح=يزرق القلـب هـمٍ مثـل زرق الرمـاح
من نقل حمل غيره لو نهض به يطيـح=مايشيـل الحمـول الا عضـامٍ صحـاح
ولاتحط النصايب غير فـوق الضريـح=وبعض الاموات في قبره ترى ماستراح
ماعلى وجه الارض من البشر مستريـح=يامخيّل سنـا بـرقٍ مـن الغـرب لاااح
[/poem]
\\
ولكم باقة من محارواته الشعرية وقصائده
من المحاورة
http://www.sfsaleh.com/vb/showthread.php?t=40841
http://www.sfsaleh.com/vb/showthread.php?t=39053
http://www.sfsaleh.com/vb/showthread.php?t=38829
http://www.sfsaleh.com/vb/showthread.php?t=51275
http://www.sfsaleh.com/vb/showthread.php?t=51732
http://www.sfsaleh.com/vb/showthread.php?t=49100
http://www.sfsaleh.com/vb/showthread.php?t=46506
وقصائد شعرية انتقيت لكم
السيف سيفي
http://www.sfsaleh.com/vb/showthread.php?t=84498
http://www.sfsaleh.com/vb/showthread.php?t=49309
http://www.sfsaleh.com/vb/showthread.php?t=46506
http://www.sfsaleh.com/vb/showthread.php?t=27999
http://www.sfsaleh.com/vb/showthread.php?t=29664
http://www.sfsaleh.com/vb/showthread.php?t=31712
http://www.sfsaleh.com/vb/showthread.php?t=46834
http://www.sfsaleh.com/vb/showthread.php?t=29163
مع اطيب المني لكم بأوقات ممتعة
صهيل ,,