[poem=font="Simplified Arabic,5,darkblue,bold,italic" bkcolor="transparent" bkimage="backgrounds/45.gif" border="groove,4,darkred" type=1 line=0 align=center use=ex num="0,black"]
على بلاط اطهر شهيد بوسط ساحات الجهاد = بكتب على لوحه حزينه حبرها دم الشهيد
دم(ن) سكب عطر وشرف عطر مساحات البلاد = صعب ومشى دربه وعر يسهل له الصعب الشديد
الموت قدامه وخلفه من رجاه وباجتهاد = يدعي بنص الليل لاجله يسكب الدمع المديد
يا حي روح المرجله يا حي قلب(ن) من جماد = ما هزه الموقف ولا زعزع توازنه البليد
الموت واحد في وغى الأمجاد والا بالرقاد = والعمر طوله للفنا وان طال طوله ما يفيد
والثوب الابيض لو بياضه ساد يدمره السواد = والفكر بايمانه قوي اي والله اقوى من الحديد
مشى على الموت الحمر واعلن لفرحته الحداد = حتى يفوز بفرحة الاخرى وبالعيش الرغيد
الله يا حي البطل كيف بجراءته استعاد = مجد(ن) لنا يا ما تغافلنا عنه واليوم عيد
ودع جميع املاكه لحي(ن) عليه الإعتماد = واخلص ووجه واعتمد جزمة شجاع(ن) ما يهيد
ويوم سنحت فرصة ظهوره هد في وقت الهداد = وادمى مخاليبه قهر والجرح ينزف به صديد
كل امنياته ينطق آخر جملتين(ن) بانفراد = نطق الشهاده يوم تقبل ترتفع لاعلى صعيد
الزرع قالو ينزرع بالأرض من أجل الحصاد = واكبر حصاد الخاتمه والعلم بالراي السديد
من يبتدي عمر الفتى يهدا الهديه بالمهاد = وان مات يهدا بالكفن فعله قبيح او هو حميد
الله يا وقت(ن) غرير(ن) غرنا فيه البراد = واكبر طموح البعض منا يا وصل رتبة عميد
هذي هي الدنيا تجي وتروح بايام(ن) جداد = ومهما تخبي من جديد علومها ما من جديد
يا سيدي أنت الشهيد اللي فعل فعل(ن) وكاد = مابه مراءاه ووساوس كل شيطان(ن) مريد
احييت في فعلك وجيه(ن) في طوارفها سماد = واصهرت من نار الهقاوي ما سكن وسط الجليد
لله درك يالشهيد اللي على ضرب الزناد = ترهن حياتك ما حسبت الزود في عمر(ن) زهيد
والناس واجد حيها والميت ميت ولا يعاد = واللي مثل حاله بعالمنا هو الشخص الفقيد
هذا هو احساسي تجاه اللي نوى درب الجهاد = والله يعزك يا نواة الروح يا روح الشهيد[/poem]
رد مع اقتباس
المشاركة الأصلية كتبت بواسطة حمـد الشمري
