مساء الخير جميع
كلمات بسيطه اتمنى
ان تلقى اليسير من اهتمامكم
[poem=font="Arial,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مابه جديداً بالشعر حتى اظيفه =وش عاد بقي بعالم الشعر ماقيل
الوقت فوقي سل رمحه واسيفه =مايدري اني فارس(ن) من هل الخيل
يادهر احنا (أهل السيوف الرهيفه) =واذكارنا تعلت الجدي وسهيل
للكايده نبرك ماهو للضعيفه=ولو انها وش كودها ان شيلها شيل
واللي ماهو توفيق ربي حليفه=يقضي حياته فالعنا والتهاويل
ماعشق من الخفرات غير الشريفه=ولاتقهوى الا بخيار المعاميل
لله علي شوف الرموش الكثيفه =اللي مكحلها الله ابدون تكحيل
وافتح مع المجموله اجمل صحيفه=مليت من دنيا العنا والغرابيل
هذيك هي غاية مرامي واكيفه =وفي زولها ماطيع هرج العواذيل
لاشفتها قلبي تزايد رجيفه =ام الرموش الناعسات المضاليل
رشيقة الوزن الخفيف النحيفه =ام النهود اللي بحجم الفناجيل
ريانة العود الدقاق العفيفه =اللي بنعومتها انعم من المناديل
هذيك مابغالي سواها وليفه =الي مجملها الله ابدون تجميل
على المعزه والدروب النظيفه =يالله عسي باقي حياتي تساهيل
العمر قفا منه فوق النصيفه =وانا حياتي كلبوها بهاذيل
واللي بقالي من حياتي مخيفه = ظلما وامجهوله كما خرمس الليل
ومابه جديداً للقاصيد واضيفه=وش عاد بقي بعالم الشعر ماقيل [/poem]
وسلامتكم
رد مع اقتباس
،، وَتَحِيَّة ،،
المشاركة الأصلية كتبت بواسطة محمد الجبريني
