[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الناس كل(ن) على عرفه = وانا اجهل العرف ياشينه
والحب ما ينثني طرفه = لا بوه لا عادت سنينه
يا اعذب كلامي ويا حرفه = يا بلسمه لو تقولينه
ريانة العود يالترفه = قلبي معك لا تخلينه
شوفي لقلبي معك صرفه = بس احذري لا توطينه
تراه من جرفه لجرفه = لا تنزعينه شرايينه
انا معك والهوى ظرفه = مقدره لا تعدينه
والعاذل اللي غدا طرفه = مابيننا لا تشوفينه
أنتي مكانك على الشرفه = لا لا تجي عينك بعينه
هاك الهوى كله بزرفه = تكفين لا لا تناسينه[/poem]
[poem=font="Simplified Arabic,5,#2E45FF,bold,italic" bkcolor="" bkimage="images/toolbox/backgrounds/45.gif" border="groove,4,#FF2600" type=1 line=0 align=center use=ex num="0,#400000"]
باسم الشعر باسم المشاعر وللضي = اللي بنوره نور الكون كله
باسم الهوى لعيون سلمى وموضي = لعيون خل(ن) ذاب في حضن خله
بكتب مدامي حي والعمر يقضي = عن وصف من تزهى جديل(ن) تفله
الما طفح من فوق والحوض حوضي = والقلب ضايع من قديم بمحله
شي(ن) غدا في داخلي يوم يمضي = مثل النهر وان جا على الرمل بله
اليا قربت شوي تبعد وتغضي = كن الخجل في مملكتها جبله
قربت قلت الوضع ماهو بمرضي = ومزيت من ريق(ن) على الكبد زله
وافضت علي وافضيت والقلب يفضي = والوقت سيف وللمواليف سله
دين الهوى لاهل الهوى دوم مقضي = واللي وفى حصل ثمانين عله
بين الرموش وبين ضي(ن) سرق ضي = الموت كله والهوى طاح كله[/poem]