[poem=font="Simplified Arabic,6,green,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مادام حبك داخل القلب مزروع=مالك ومال الناس...خلّك معايه
صرت اعشقك والعشق واقع ومشـروع=اصبحت لي يا زين الاوصاف غايه
تعال واشعل في سما حبي شموع=تضوي متاهاتي وتضوي سمايه
تعال .. ليش الخوف ... ليش انت مفزوع=انا المعذب وانت بلسم دوايه
تعال حبي لك مدى الدهر مدفوع=وبأكتبه لك قبل موتي وصايه
معاي عيش العمر مرهف ودلّوع=خذ كل وجداني وكامل دفايه
وتهيم في موطن من الورد مصنوع=واهتم بك واعطيك كل العنايه
واشيل عنك الهمّ..والغمّ والجوع=واعلمك فنّ الشعر والرمايه
وتصير عن كل المتاعيس مرفوع=واسكّنك بالحب داخل حشايه
وتحت رجلك تلمح الماس مرصـوع=يجذب احاسيسك تظنه مرايه
ويسيل عشقي لك على شكل ينبوع=وادلّعك وتقول: ياسر *كفاااايه*
واذوّبك وتصير بالعشق ملسوع=وابحر بفكرك واغرقك في مدايه
وتصير لي عنوان وتصير موضـوع=وتصير بستاني وجنّة هنايه
واصير سلطانك ولي كامل الطوع=يحق لي مادام تمشي ورايه
وتصير لي تابع وانا اصير متبوع=تهني ربيعي واحضنك في شتايه
مدّيت يدّي لك وانا حيل موجوع=ما ودّي اشقى وانطعن في قفايه
هذي شروطي قبل ما نشتكي اللوع=شروط من يعرف فصول الحكايه
الشرط الاول عن هوى الغير مـردوع=درب الخيانه كان سبّة شقايه
والثاني ان البعد يازين ممنوع=تبقى معي مادام همّك لقايه
هذي شروطي وانت لك منّي اسبوع=فكّر وقرر ... واعرف انك منايه
فكّر بكل ركود...وبرود.. وخشوع=اسبوع يكفي كل من كان تـايه
ماريد بكره ترجع تقول مخـدوع=والا تعاندني وتلقى جفايه
لأني عنيد ومنّي العطف منزوع=والعزّ وصفي والفخر لي كنايه
والعشق في قلبي مدى الدهر مطبوع=عشته طفل.. واجتاحني في صبـايه
مولع بحب الزين والقلب مولـوع=بأحلى الغرام ودون حبي ضمـايه
ابدعت فيك الشعر والشعر مـبدوع=ابداع من له بالقـوافي درايه
صغت المذكر واصبح الشعر مسجـوع=والمقصد انثى والشعر لي هوايه
احب شمس تعاند الليل بسطوع=شمس(ن) يزينها الغطا والعبايه[/poem]
وسلامتكم