[poem=font="Simplified Arabic,5,black,normal,normal" bkcolor="transparent" bkimage="backgrounds/27.gif" border="none,4,gray" type=2 line=1 align=center use=ex num="0,black"]
حسبت ان القصور وسبة التقصير بالجوال=احسب ان البلا في هاتفي مدري بجواله
وثرها مثل ماقالو محال(ن) هو دوام الحال=تكاثرها علي انه يطمني عن احواله
ونا الي من غلاته بالحشا برحت له منزال=وسرجت الود لجل ارضاه غصب وصرت خياله
اقول اليوم بكره بعد بكره بس شي(ن)زال=اكذب هاجسي واطاوع المشتاق وخباله
اقول ظروف ممكن حدته من بعدهاك وصال=امازح خاطري وريحه عن سبة اشغاله
ولكن سج في دنياه والدرب المودي طال=مثل ماقالو البدوان فال وقاف(ن)عقاله
الا يالله يادنيا ويالعب الهوى المحتال=ويا لعب الغنوج الي تهز الصدر وجباله
غدينا في يديها لعبة الغربي بطارف شال= للا مسك اليدين ان كان بول هزته شاله
على الله ثم دخيلك يامسافر يـم مشغل بال=توديله كلام الشاعر الي من زعل قاله
تقول اسمع يقول اني صبور والحمول ثقال=ولا عاد احتمل حملي وانا في سوق حياله
تبا الدنيا تزين ويرقص الشاعر على الموال=تعال اضنها للشاعر اطيب وصل وشواله
تعال وشف جروح(ن) فيه صارت مثل حب الخال=او انك تعترف له صدق لاهذا ولا دواله
يقفي وانت سج الرجل وسمع رنة الخلخال=وهو يسمع دنين النجر ويغني على دلاله
يدور مجلس(ن) بين النشاما مايجيه انذال=على حس اللحوار وحنة امه وآه ياحاله
على الرمضا ويكرم كل من يسمع بدون نعال=ولا حسب نهاية مطلعه ولا على هلاله
ليا عدا براس القوز غنى والبيوت طوال=تلد الراس شقحاوالفحل يرزم ويبراله
سعادة والسعاده ماتجي من جمع راس المال=ولا يشرب من الماء لضماء الا صافي زلاله[/poem]