مناسبة القصيدة احتفظ فيها لنفسي ..
واتمنا ان تنال على اعجابكم ..
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
دام القصائد راس مالي وأنا اخوك = لا ماحسبت حسابها والمخاسير
ما همني جمع الدراهم ولا البوك = يوم ان غيري يدهن السير ويسير
أعز نفسي دام مخباه مفكوك = مالي ومال الي خذا الشعر بشعير
نضمي على المسحوب واضح ومحبوك = أشرب قراح الشعر من جمه البير
وأخلي القيفان تمشي على شوك = وأخلي الطاروق فوق المسامير
ماني بويا اللطف واللين يابوك = حطيت خط احمر وسجلت تحذير
وسليت سيفي ما انت والله بمتروك = ألين يلحق قاسي العظم تأثير
من ضربه (ن) تنسيك من وين جابوك = يالي تقول المشخصي يسرق الغير
فكرك وعقلك يالردي وين ودوك = يا بعد راع المسك عن نافخ الكير
توك عرفت الشعر وتوزع اصكوك = السوق خله لا بغوه الهوامير
منته بقد الي رصيدة ملا بنوك = أسوق لك جزل المعاني طوابير
ويسوقني موج البحر دون سنبوك = أسبح واجيب النادرة دون تقصير
يوم ان غيري باقشر القول غذوك = أشوم عنك وما سمعت الك تقرير
أخذت ذنبك يوم ربعك تناسوك = طبعي كذا ما ابدل الشر بالخير
على الرجاء والياس ياشين خلوك = تركض على ما تسمعة دون تفكير
ما تدري إن اللي كحل عينك أعموك = ولا تدري إن لي رمح بين الشواعير
خذها نصيحة وأخر القول مسبوك = من يعترضني ماله الا البساطير[/poem]
اعرف ان من شروط المنتدى عدم الكتابة باسم مستعار
بس ياليت المراقبين يغيرون اللقب حقي من أبو عزام ألى ((خالد الغنامي))