[align=center]صباح الخير ،،
هذي قصيده ردّا على اخوي الشاعر محمد بن دحيلان
وارجو منكم ومنه السموحه ان على القصور لانها ارتجاليه
اقـــــول فيها
،،[/align]
[glow=FFFFFF][poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
البارحه يوم اكثر الناس ممسين=انا هجوسي للطويله حداني
غنّيت في راس الطويله من البين=مسحوب ابو مطلق عريب المجاني
يامرحبا ما اوحيت صوت المواذين=او عدّ ما بيّن سهيل اليماني
بنسل الرجال الغانمين العزيزين=امروّيت حدب السيوف السناني
الاد زايد قاهرين المعادين=في ساعةٍ يرتاع فيها الجباني
همّه بني عمي على العسر واللين=اهل البيوت امشمخات المباني
ارسل علي يشكي بعاد المحبين=ونقّض عليّ جرحٍ له سنين فاني
ما يدري اني ذقت منه الامرّين=ولايدري ان هم الفراق احتواني
وانا الذي من عام تسعه وتسعين=ابكي فراق الغرو سيد الحساني
اللي مخلي قلب ابو سعود نصفين=خشفٍ بليته فالهوى وابتلاني
اوّل معرفتنا طفاقة بزارين=ضحك وتسلّي وانسجامه واغاني
يهدي عليّ بيتين وارد بيتين=من هاجسي ماهوب من هجس ثاني
صرنا على ذالحال لـ عام الالفين=سنه وانا وياه يا ليل داني
يا لين صرنا فالمحبه غريقين=ولا عاد نصبر عن بعضنا ثواني
نصحى على كلمة صباح الرياحين=ونرقد على صوت الدفا والحناني
ويوم الخميس الصبح تاريخ عشرين=من شهر سبعه جاني الموت جاني
قالو توفـّى صاحبك والله يعين=اطلب له الرحمه وخضر الجناني
قلت اتركو عني مزوح الثقيلين=وصدّو عن الموضوع هذا عشاني
قالو علينا بالملازيم ويمين=انه توفـّي الزين جال الثماني
طنّبت فـصياحي سوات المجانين=وهلّت على خدي دموع العياني
واختلت إبـ راسي جميع الموازين=ما عاد اميّز فالعلا والطماني
اقفي مع الهاجوس مدري على فين=ولا اصحى يا كود ان قبر خلّي وزاني
حاضن تراب القبر بين الذراعين=حاله كسيفه يالله المستعاني
انا اشهد ان حكم القدر فوقنا شين=سلّط عليّ همّ البعاد وغشاني
تكفين يا احكام المقادير تكفين=انا وصلني منّك اللي كفاني[/poem][/glow]
[align=center]وسلامتكم
وسامحونا بالقصور
ابن هندي
،،[/align]
[/align]
رد مع اقتباس
