اخواني اخواتي .... اعضاء غرابيل اسوق اليكم مشاركتي المتواضعه ولا نستغني عن ارائكم
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خيراَ من الميعاد بعض الصواديف = لأنه تجي صدفات ماينحسب له
قبل امس وحداني تمشى على السيف = اتبع هوى نفسي وادور الطرب له
اعيد ماضيي ومن نفسي امعيف= وذيب الحزن ياحمود نفسي قنب له
حتى نضرت ام الرموش المعاكيف = مزيونةِ ياحمود ملــحِ وقبله
اللي حلاها ياعرب مابعد شيف = ماشفت لابعده ولا شفت قبله
مزيونةِ تزها جديد النفانيف = ومن زينها قلبي تثير العجب له
سلم على وقال زين التواصيف = ضيقتك يابن الناس ويش السبب له
قلت السبب فرقا بعاد الاطاريف = اهلي شمال وداري اليوم قبله
ياشين يالمزيون فرقا المواليف = اشنع على الوبال من ضيعت ابله
علمي بهم يابنت في تالي الصيف = واليوم هذا الوسم ينبيك وبله
لاكن حضورك غير يازهره الريف = العز من شفتك خفوقي ندب له
حياك في جنبي عطيني سواليف = من فمك اللي كالعسل ينسكب له
قالت وهي تضحك خطتك الصواديف = بالمقبلات ان كان ربي كتب له
ياما حلا ياحمود بعض الصواديف= لأنه تجي صدفات ماينحسب له[/poem]