اصبر على غاليك مهما يجافيك
يمكن ظروفه ساهمت في بعاده
::
اهني من عاشر من الناس شرواك
في ذمتي يعيش والراس مرفوع
تبقى عزيز وتعجبني مزاياك
ياللي بيمناك اجزل الطيب مطبوع
عسى البلاوي والمصايب تعداك
تصيب ناس عنهم الطيب مقطوع
::
*جزء من النص مفقود*
*كل النص مفقود*
*اصلا مافيه نص*
*بس حبيت اقول لك*
*انك انت المفقود*
::
ارسل سلامي مع نسيم الهبايب
لاذعذع الشرقي وهب البرادي
كم غالي عن نظرة العين غايب
ماغاب عن قلبي وداخل فؤادي
مشتاق اشوف اغلى البشر والحبيايب
هو ذا غذا روحي وشربي وزادي
::
تغلى بس على هونك
تراني من الغلا تعبان
اعاني لوعة غيابك
وقلبي عاشق وولهان
::
ابكي وانادي ليه قطع المواصيل
متى على الله ساعة الوصل تاتي
يادمعتي لا تطلبين النتاديل
تكفين يا عيوني من الدمع هاتي
وينه ونيس الصبح والعصر واليل
في غيبته غابت جميع امنياتي
::
يا مرحبا
من خاطر منك ما ضاق
عد المطر وعداد لمع البروقي
ويا مرحبا
من قلب هاوي ومشتاق
اللي اذا شافك نسى كل عوقي
::
كتبت انا في تالي الليل بيتين
لعيون من يسوى جميع الخلايق
اللي معاهدني على الزين والشين
واللي بشوفه يصبح الفكر رايق
الصاحب اللي منزله داخل العين
هو الخوي وقت السعه والضوايق
::
لو خيورني ياغلا الروح ما اختار
غيرك وغيرك ما يوافق على السير
تستاهل التقدير يا نسل الاخيار
يا من تميز في خفوقي عن الغير
::
هلا بصاحب عزة النفس والجود
اللي تسعد النفس ساعه وصاله
لو يبتعد عنا على البال موجود
ذكره على الخاطر برغم انشغاله
وافي ولا به من العذاريب منقود
جعل السعادة عبر الايام فاله
::
ادري الرسايل تالي الليل ازعاج
بس وش حيلتي
اذا الشوق صوبك خذاني
::
محبوبي
هات الورق
كل الورق
واكتب بكل السطور
كلمة يملاها الشعور
كلمة لا يمكن تبور
اكتب بأول سطر
وآخر سطر
وفوق الورق
لا يمكن اننا نفترق
ولو قضى فيك العمر
بعطيك من عمري عمر
بس المهم ما نفترق
::
اغليك واغلي كل من كان يغليك
ويهون لاجلك كل درب مشيته
باصبر عسى الايام تسمح والاقيك
وترد لي قلبي مثل ما خذيته
والا اموت ويدفنوني باراضيك
واهنا بروحك لو هي الروح ميته
::
عجزت اصبر ما تعودت فرقاك
في غيبتك ماني على الصبر قاوي
وين انت عني وش حياتي بلياك
عقبك حياتي والممات امتساوي
زولك معي دايم وطيفك وذكراك
والقلب ماله غير قربك مداوي
::
ما خاز طيفك عن خيالي
دايم افكر صاحبي فيك
ماني من الاشواق خالي
احساس قلبي صار يغليك
ربي الذي يعلم بحالي
وعروق قلبي هي تناديك
أنت الذي في الروح غالي
بعت الملا واليوم بشريك
::
يا سائل عني من القلب لبيه
صوتك عزيز وغصب عنا نلبيك
مثلك من الاجواد لاشك نغليه
ونفتح لك ابواب الخفوق ونحييك
اشري رضى من يشتريني واراضيه
واقول له بالروح والعين نفديك
::
سلام احلى من عبير النواوير
لي غلاهم داخل الدم جاري
من راس منهو ما يحسب المخاسير
يبيع عمره لاغدا للكل شاري
للصاحب اللي خوته يا عرب غير
غايب وهو دايم على البال طاري
::
الله يا محلى بيوت القوافي
دام الشعر في وصف الاحباب مطبوع
بهديك عمري لو غدى العمر كافي
وآمر وانا لك يالغلا سمع(ن) وطوع
اهواك يا عمري وهذا اعترافي
والحب ماهو للمخاليق ممنوع
رد مع اقتباس
