اعضاء غرابيل الكرم
غمرني اخي الكريم مذكر الروقي بلطفه
ووجه لي قصيده على هذا الرابط
http://www.sfsaleh.com/vb/showthread.php?t=121658
واليكم الصدى اتمنى ان ينال رضاه ورضاكم
[poem=font="Simplified Arabic,5,red,bold,normal" bkcolor="transparent" bkimage="backgrounds/12.gif" border="solid,2,orange" type=2 line=0 align=center use=ex num="0,black"]
مزن ٍ من الغربي خشومه مهانيف= ومناطحه من شرق بارد نسومي
هـلـّت هماليله جزال المحاريف= على أبيض القرطاس جاله وسومي
من شاعر ٍ ماجابها بالتساليف = ومايكتسي من عاريات الهدومي
يبدع جزيل القاف معنى وتوظيف = ويرسم لنا بالقاف زين العلومي
أرسل بيوته يمنا بالمظاريف = يشكي لنا وضع ٍ عسى مايدومي
وانا بحاله بالش ٍ بالتصاريف = عز الله انه طاح له في ظلومي
يبكي مواليفه دموعه ذواريف =ويزايم هموم ٍ بصدره تعومي
يشكي من الفرقا ويشكي من الحيف = حولين يرقب باديات النجومي
لاصار له عامين مامن مناكيف = لاتنطر المقفين يابن القرومي
تلقى العوض في لابسات النفانيف= تلّع الرقاب مرودعات الوشومي
جرب ترى التجريب ينسّ الملاهيف= خلّ التوجد مايسدّ اللزومي
الوجد لو به فود والاَ تخاليف = قبلك نفع ناس ٍ حشاهم قسومي
وختامها يالقرم عذر ومعاريف = والمعذره بالقاف لو به هزومي
شرفتني بالقاف ياذيب تشريف = وحقك عليّ ياخال للقاف اقومي [/poem]