[align=center] لما أحد يطعنك بظهرك عادي ودايم تصير
بس لما تلتفت وتلاقيه أقرب الناس لك هذي المصيبه
والمصيبه الأكبرأنك تحب وتلاقي الي تحبه قلبه قاسي مايعرف الحب
وتدرون منو أحقر الناس هذاك الي تكون انت بأمس الحاجه له ويعطيك ظهره
وتدرون وين الي يحزن لما تجي تسلم علي انسان عزيز عليك و مشتاق له ومن زمان ماشفته ولما تسلم عليه يقولك عفوا ممكن تذكرني بأسمك
وتدرون شنو الي يفرح لما يكون أنسان غالي عليك وغلط بحقك يجي يعتذر منك ويقول سامحني
بس تدرون شنو أكثر شي يحرق القلب الخيانه لما تعطي كل أسرارك لأنسان وتكتشف أنه خانك
وتدرون شنو الشي الي لازم تحذرون منه أشد الحذر الثقه الزايده بأي أحد
وتدرون أن الطيب بهذا الزمان محد يقول قلبه طيب لا يقولون خبل وعلي نياته
وتدرون منو أكثر الناس لازم تتجنبونهم الحقودين لان هذي الفئه من الناس صعب تحب وصعب تسامح وصعب تعطيك الي بقلبهاوتشيل عليك علي اتفه الاسباب
وتدرون يا متزوجات منو الي لازم تطردينها من بيتك هذيك الي تحرشك وتحرضك علي زوجك وأهله بالظاهر تبي تنفعك بس بالباطن تغار منك وتبي تخرب بيتك
وتدرون يامتزوجين منو لازم تبتعدون عنهم هذولاك الي يقونكم علي حريمكم ويشيشونكم عليهن لانه بالظاهر يبي مصلحتك والكلمه كلمتك بس بالباطن يبي يشوف حياتك مع أسرتك وهي تنهار وتتدمر
وتدرون ياشباب ويابنات انكم لازم تركضون الحين تحبون رأس امكم وأبوكم وتبوسون يدينهم وتقولون لهم سامحونا علي كل الي سويناه فيكم وكل الغلط الي غلطناه بحقكم بسرعه قبل يفوت الاوان
وأخبرا تدرون منو الي لازم تحبونهم وتتعلقون فيهم وتخلونه أقرب الناس لكم هذولاك الي بكوكم وبكوا الناس عليكم مو الي ضحكوكم وبعد ضحكوا الناس عليكم
وتدرون وتدرون وتدرون وتدرون وتدرون
وماراح أخلص ولأن كل الي كتبته عن تجربه وواقع حقيقي موتأليف وخيال
وأنتوا تدرون وأنا أدري بس الشاطر فينا ينفذ [/align]