[align=center]
بسم الله الرحمن الرحيم
احبتي اسعد الله اوقاتكم بكل خير
نص خرج من غياهب الحزن
فتشكل ليشكل هذه المتواضعه
اتمنى ان ترتقي لذائقتكم الجميله
اخوكم مشعل السلمان
[poem=font="Simplified Arabic,6,darkblue,bold,normal" bkcolor="transparent" bkimage="" border="groove,4,indigo" type=2 line=0 align=center use=ex num="0,black"]
الهـم كايـد والجـروح تعـرا = والحزن يرسم بالملامح سماته
ياوجد حالي وجد منهـو تـذرا = بشيخ مالٍ عزته فـي عباتـه
اووجد منهـو للمحاكـم يجـرا = بسباب غيره طالبو في مماتـه
اووجد رجلٍ منه قامـت تبـرا = ربعه وعزوه حطمت فيه ذاتـه
من بعد ماشاف الشقى والمضرا = ازرى يحصل من يساند حياتـه
اووجد من دمعه على الخد خرا = يوم الاجانب اتنـاوش خواتـه
عشرين عام ونصف عشرٍ تمرا = والسعد واصل في حياتي سباته
في دنيتي ماغيـر هـمٍ يطـرا = وحزنٍ تفنن ياعرب في صفاته
طير السعد غرد من القلب فـرا = وحتى نسيت من الشقى ذكرياته
الله يعجـل بالفـرج والمسـرا = ويحقق لقلبي جميـع امنياتـه[/poem][/align]