[align=center]متواضعه ارجو لها القبوول[/align][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
البارح همومي تلوف الحشا لوف = لوف الهشيم اللي تلوفه سحيته
الظاهر ان البيت شايع ومعروف = جاني كذا في غفلةٍ ماقريته
توضيح لا ياتي من الناس ملقوف = ويقول هذا البيت ماهو ببيته
نرجع على الموضوع والعالم تشوف = موضوع من صافي صميمي بنيته
ماهيب حروة حرب ومجابه اسيوف = الا من اللي فالليالي حويته
موادع الخلان والجرح والخوف = ثلاث لكن حملهن ماقويته
ظروف حدتني وحدتهم ظروف = واسدل علي الكون حزن وبكيته
معزبي قلبه وانا كلي ضيوف = مالوم نفسي يابدر لا هويته
غريوف لكن مايحاليه غريوف = يبقى هنا في ذمتي مانسيته
عما خلق ربي من البيض به نوف = نوف العيون ونوف جسمٍ فديته
اسمه مخّفى للملا غير مكشوف = الا بفكري راسخٍ مامحيته
ياوجد حالي وجد غادي وملهوف = اله ثمان اسنين ماشاف بيته
يبى يعاود مير حاديه صادوف = وجدي مثل وجّده على مابغيته
من بيننا عشقٍ مصرح ومالوف = عشقٍ على وضح النقا ماكنيته[/poem]