[align=center]
السلام عليكم ورحمة الله وبركاته
اليكم مع التحيه
/
/[/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا واهني اللي له النفس لايمه =اليا ارتخت عن طاعة الله عزايمه
لا شاف تقصيره ورحمآت خالقه =قامت همومه بالحنايا تزايمه
ولا واهني اللي بعيدً بشوحته=سريع خطوه ما تبارد قوايمه
للخير عجل و يدفعه قو معرفه =من عوفيا فليحمد ولاهي دايمه
العمر مثل الزرع يعجبك طلعته=والزرع مهما طال تقرب صرايمه
والوقت مثل السيف يا قو سلته=من لا تدارك صبحه امسى بظلايمه
تال الزمن فيه اختلافً عن اوله=حتى الهوى شفنا تغير نسايمه
وفيه انتكاسً بالمفاهيم والرؤى =واهل الرؤى عن بوحة السر صايمه
سحابةً سوداء كثيرً عجاجها =والشمس من خلف المراديم غايمه
يدوي رعدها وبرقها بكل يمه =يخيلها اللي ما عيونه بنايمه
واللي عيونه نايمه ما يشوفها = لو لامني ماني بوالله لايمه
انظار بعض الناس دايم موقعه=وانظار بعض الناس بالجو حايمه
وكبود بعض الناس تونس ولا خلت =وكبود بعض الناس ماهي بزايمه
كلن حسب عرفه وعقله ومذهبه=وكل وله نهجه وطرقت خرايمه[/poem]
[align=center]وسلامتكم ،،،[/align]