[align=center].
.
للتواصل معكم أيها الطاهرين ..
.
.
قصة غرامي يالعيون اللي على بعدي بكت
********** وهلت غزير دموعها .. وأشقى الكحل خد(ن) ندي
كنا صغار وفرحتي إن جاد يومي واضحكت
********** أحاول أكسب ودها نلعب ويدها .. في يدي
أيام كنت انا الذي لاجات ..يمي واشتكت
********** من ظلم اخوها واختها ..اقول : يابنت اقعدي
اجيب نكته (واستمر) يمكن تضحكها نكت.
********** ونروي لبعض احلامنا... نوصل حدودك يالجدي
احلامنا..اللي في هوانا بصدر مجلسه ارتكت ...
********** اليوم صارت وهم زايف منك...يالحظ الردي
راحت بها الايام وحبال العهود تفككت
********** ماباقي الا ..طيفها أفز له من مرقدي
راحت بدار إنسان ثاني والضلوع تحركت
********** وحب (ن) على غير الشرف مايعشقه قلب أجودي
وجيته انا بيوم الزفاف ودمعتي له باركت
********** واقول يادنيا ومافيها على القول اشهدي
يفداك عمري يالغزال اللي به اشعاري حكت
********** فدوة لمن قال اهجدي ياقمرة اللي اهجدي
والمبسم اللي ..لانطق أقول جعله ماسكت ..
********** كن الشهد قال: ألعبي في داخلي واتمردي
والجادل اللي لأنتثر من فوق متنك ثم كت
********** يشبه سواد قلوب عذالي بحبك وسعدي
جريت من قصر الفرح .. خطا حزين..تشابكت
********** مافيه ..لاخل(ن) يعاوني ..وقفى مسندي ...
وجاني ابوي وقال يالشقيان روحك اهلكت
********** قلت: اه..لو تدري.. وقال: أدري بهمك ياولدي
قلت: اتركه جرحي..بروحي دام روحي ماشكت
********** القاسيه .تبغى شديد..وماتحملها ردي
ببعد وبرحل..يايبه جرحي متاعي والتكت
********** ويانفس..عن دار الحبايب ..جنبيها وابعدي
ويهناك..نومك يالعيون اللي على بعدي ..بكت
********** هلت غزير دموعها ..واشقى الكحل خد(ن) ندي
.
.
.
ودمتم بخير
.[/align]