حتى أوفر على الأخوان من نقلها الي هذا القسم هاأنا أضع هذه المتواضعه بين يديكم
عسا أن ترتقي الي ذائقكتم
[poem=font="Arial,6,tomato,bold,normal" bkcolor="transparent" bkimage="backgrounds/21.gif" border="none,4,gray" type=1 line=1 align=center use=ex num="0,black"]
جيت أنتظر وأنا على الموعد أحر من الجمر=قاعد أراقب طلة الغالي ونفح عطوره
ياوردتي حان اللقا بليلة غرامك والسهر=قم لب دعوة ليلك اللي ينتظرك تزوره
بنسى الزمان وكل حزن الوقت لامنه حضر=لأنه يجددلي الفرح في طلته وحضوره
بانت وبيّن نورها غطى على ضي القمر=حتى على ضي القمر تكابر ومغروره
يادانةِ غنى الفرح بقدومها وزان السمر=طرّف بها ليل الغرام ونفسها مسروره
يامشتل ورود الغلا والشوق وأيام العمر=ليل السهارى يبتدي مع جيتك يانوره
عن ألف ليله جيتك في ليلتي وأحلى بدر =زين بها صدر السماء أرجاء هالمعموره
قم لاعب النسمه ورح معها على شط البحر=وأطفح على سيل الغلا وأمواجها المنثوره
ياملهمة كل القصيد اللي أنتشى منك السحر=أنتي المعاني والحروف ودرّها وبحوره
منهو قدر ياصل جمالك يالغلا منهو قدر=مدام للحلوات صرتي منطقه محظوره
حارس على حدك وأنا أفداك من عرض البشر=عايش مجنّد بالغلا وأنتي زمان الثوره
يامشتل ورود الغلا والشوق وأيام العمر=ليل السهارى يبتدي مع جيتك يانوره[/poem]
سعود المجلاد