المشاركة الأصلية كتبت بواسطة مضحي السميري
(( بدون مقدمات))
سموو
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
لليل العنا ياسيف مثنى ومربوع=معاد نعرف جمعته من ربوعه
لا نامو العربان ليلي علي الكوع=مرت سنه ياسيف هاذي طبوعه
تقول جفني من حلا النوم ممنوع=سواة طفلٍ كل شي(ن) يرووعه
النفس تشكي حاجةٍ تشبه الجوع=جوع الفراق الله ماحر جوعه
ماهي بلحية نذرف دموع ودموع=ليت المفارق راحته في دموعه
هذاك حبه داخل النفس مزروع=القلب قصره والمحانى ربوعه
شربت حبه شرب قرطوع قرطوع=شربت حبه قبل لالمس قدوعه
واليوم مابين الامرين مفجوع=حرة غلاه ومستحيل(ن) رجوعه
صار الرجاء من يمة الوصل مقطوع=وصار الفجر صعب(ن) عليه طلوعه
القلب عيا لا يجي لي على الطوع=كل المشاعر في غيابه جزوعه
ليت الغلا ياسيف فالقلب بشموع=ان كان من يرحل نطفي شمووعه[/poem]