[align=center]السلام عليكم اداريون واعضاء وزوار هذا الصرح الشامخ في هذه الايام لزاما علينا نحن الكويتين ان نستذكر الملك فهد المساهم الاول والمحرر الاول ومحتضن حكومتنا الرشيده وشعبنا الكريم[/align]
[poem=font="simplified Arabic,6,darkblue,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black"]
سلام يانسل الملوك الميامين=هـاك الليـوث اللـي تفـك النشـابـه
إسدٍ على صعـود الشواهيـق ضاريـن =يـوم تكـل اقـدام مـن هـو رقـابـه
مـن ثقلكـم تتعـب كفـوف الموازيـن =نسـل الكـرم تـاج الهمـم والذرابـه
انتم فى عيـن المجـد رمـز ونياشيـن =و انتم فـى عيـن العـز للمجـد بابـه
غيثٍ على مـن يشكـى الهـم والبيـن =وزمزم فى جوف اللي ضمى الضيم صابه
خـدام بـيـت الله وحمـايـة الـديـن =سقـم الغـدر سـم اللئيـم وعـذابـه
يـوم استغاثـة ديـرتـي بالكريمـيـن =يوم الغـدر فـى كويتنـا عـض نابـه
ويوم انتخـى جابـر حفيـد الحكيميـن =واسنـد عليكـم حـق جـار وقـرابـه
جيتوا مـن اقصاكـم ضياغـم ملبيـن =مثـل بشـايـر دعــوةٍ مستجـابـه
وفز الفهـد نسـل الحـرار السلاطيـن =وعطـاه ردٍ فيـه جــزم وصـلابـه
ابشـر وانـا فهْـد القـروم العزيزيـن =لا اجيـه فـي مـرٍ يعـكِّـر شـرابـه
واصيـر فـي عينـه هـداد الشياهيـن =واصيـر فـي سمعـه عـواء الذيابـه
واصيـر فـي جوفـه حميـم البراكيـن =وزلزال ينسـف مـن تجـاوز صوابـه
واصير فـى نحـره حـداد وسكاكيـن =واتخيـب هقـوة كـل ظالـم هقـابـه
ومادام شرع الله عطـا العيـن بالعيـن =ابشـر بزنـدٍ فيـه عــز ومهـابـه
وترجـع ديـارك عهْـد منـا ووافيـن =وراس العصابـه مـا حسبنـا حسابـه
وثبت ثبات الطود يـوم الدهـر شيـن =موقف ندر مـن بعـد عهـد الصحابـه
وذرّا ببشتـه مـن لهيـب الاكـاويـن =وظلّـل علينـا كـف مثـل السحـابـه
عسـاه مايحـرم مـن الجنـه امـيـن =ويـاالله تجعـل فـي يميـنـه كتـابـه
نفْس الجسد نسكـن ولاكـن بروحيـن =الديـن واحــد والعـوايـد تشـابـه
حـقٍ عليـنـا دونـكـم مستميتـيـن =رد الجـمـايـل كـايــدٍ يالـذيـابـه
وسـلام يانسـل المـلـوك الميامـيـن =هـاك الليـوث اللـي تفـك النشـابـه[/poem]
[align=center]بدر ناصر بداح المورقى[/align]
رد مع اقتباس
المشاركة الأصلية كتبت بواسطة بدر ناصر العتيبي
