أربع دقايق صمت
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بعد غياب اسنين وايام وشهور = وفي ساعة ليت القدر ماجلبها
صدفه تقابلنا على باب دكتور = لحظه تساوي عمر شخص كتبها
أربع دقايق صمت واحساس واشعور = ونظرات شوقن عارفين سببها
كن الحياة امترجمه حبر واسطور = لو تامر ابروحي لنفذ طلبها
يامصورين الوضع مافيه مستور = الصوره اللي نادره من كسبها
والدمعه اللي كنها ماس بلور = من عين ذيك اللي عريب نسبها
فيها سؤال لقلب ينزف ومكسور = واجابته ماضي السنين وتعبها
وشتت ذهول الوضع كلمات دستور = خوف الطبيب لحاجة ماحسبها
أقفت وانا واقف من الوضع مبهور = بيدينها ثمرة زواج نكبها
انا اعرف انك ياتلع الجيد مجبور = حسبي على من بالظليمه غصبها
كنت ابني احلامي عمارات وقصور = غبر السنين اللي شقاها غلبها
دكتور غيبني عن الوعي دكتور = لو ساعتين انسى الحياة وتعبها[/poem]
رد مع اقتباس
-new.gif)
