[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بيني وبيني عهْد ما ارخص دمع عيني ما حييت = والبارح ارخصت الدموع الغاليه واصخيتها
يابو فهد ياعزوتي فى الوقت مبطي ما بكيت= مير الدموع الغاليه من سبّتك هلّيتها
بكيت ياعواض من سبّتك وانته ما دريت= بكّيتني بآخر قصيده ياللخوي سوّيتها
قريت انا كل القصيده واعجبتني بيت بيت = والصدق سالت دمعتي وانا بعد ما انهيتها
أبكي وانا اقرى فى قوافيها وبالقوّه قريت = قريت والونّات من زود الوجع ونّيتها
مير الله يسامحك ما تدري بحالي وش جنيت = أوجعت قلبي بالقصيده والعيون أبكيتها
رجّعتني للماضي وذكّرتني باللي نسيت = ذكّرتني باوّل حبيبه فى الزمن حبّيتها
اللي معايه وافيه وانا معاها ما وفيت = ايه اعترف لو كنت وافي كان ماجافيتها
دايم مجافيها واقول أمرّها لامن فضيت= والضاهر يمر العمر كلّه ولا مرّيتها
تعطي ودوم آخذ ولا عمري تكرّمت وعطيت = تعطي وفا واعطي جفا غير الجفا ما اعطيتها
ورغم الجفا والصد ماترفض مجيّي كان جيت = تظمّني حب وفا بعد الجفا لا جيتها
حبيبتي هي ديرتي ديره مثلها مالقيت = لولا ضروفي والعمل والله ما كبّيتها
الديره اللي عشت فيها فى اوّل العمر وربيت = أغيب عنها وابتعد لكن قلبي بيتها
حبّي لها صعب اوصفه مهما تكلّمت وحكيت=دارٍ لو اعطيها عيوني فى الزمن ما اوفيتها
دارٍ بها ربعي سند ضهري عزاتي لا اعتزيت = العزوه اللي ذايعٍ بين القبايل صيتها
فى الوقت ألاد شهيب جود وطيب لكن لا خطيت = يالمخطي بتدفع ثمن خطّيتك لا اخطيتها
عز وفخر وافعالهم ماتنحصي مهما حصيت = لو جيت أبحصيها نثر ماهو شعر ما احصيتها
لوجيت أعد أفعالهم تفنى الحياه وما انتهيت = وكل القبايل والنعم واموت ما سبّيتها
وياديرتي ياعنك لا احتجتي وجودي ما اختفيت = فيّ الحميّه حيّه وأموت ماخلّيتها
منك السموحه لا تزيديني من الوقت اكتفيت = جيت أكحل عيوني بغيرك فى الزمن واعميتها
سعادتي عهدي بها نهار من عندك مشيت = ما اكذب عليك ان قلت بعدك عيشتي ملّيتها
هذا نصيبي والقدر رضيت ولاّ ما رضيت = وانتي تراك اوّل حبيبه فى الزمن حبّيتها
واكبر دليل اني ليامنّي تذكّرتك بكيت = ياما خدودي لا ذكرتك بالدموع اسقيتها
بالعمْر ماهو بالدموع أفدى هواي اللي هويت = ماهي خساره دمعتي في ديرتي لا اصخيتها[/poem]