صباحكم شعر
جديد أصافح به قلوبكم
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أموت بك وأموت لك وأموت فيك ولا أموت = إلا بأحاسيس الغلا لامن بدت في ناظرك
أخْضع لها وأبادل الإحساس في صدق وقنوت = وأجْمع بقايا فرحتي وأشْري رضاك وخاطرك
ياللي من بنوك الغلا تسْحب ولا عندك كروت = هونك على قلب العنا لا تورّده مقابرك
ارفْق عليه ولاطْفه قبل الندم لايْفوت فوت = ما ينفعك كثر البكا ماحد(ن) بفعلك جابرك
ما دامني جيتك ورضّخت الهوى لأمرك (سكوـوـوت ) = مابي سوى همْس الحنايا لا طغت مشاعرك
ناظر بعيني واستلم عذْب الحكي معْنى وصوت = دين(ن) عليْ لـ تْقول يا طول المسافه عابرك
ملّت مشاعر خافقي تكْبت وعذّبها الكبوت = يا نعنبوا حي الغلا أغليك لو ما أجاهرك
تكْرم لعينك دنيتي حتى ولو طاحت بشوت = تامر على عرْق الخفوق وتشْلعه لو قاهرك
إنت الذي بنيت لك في داخلي قصْر وبيوت = روّضت قيفان الغلا لين انْحنت لأوامرك
إعرف بأني لو طغا وقتك وخوّن بك ثبوت = لا مايْتزعْزع هـ الغلا ما دام قلبي عاذرك
وأبيك تعرف لا نطقت أموت فيك ولا أموت = إني أموت بطلّتك وأحيا وأموت بناظرك[/poem]