[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
وينـك حبيبـي غايبلـك نهـاريـن=وخليـت قلبـآ ماتهـنـا بلـيـاك
وين انت غايب يامنى القلب والعيـن=يامن شقى قلبـي غيابـك وفرقـاك
يامن جـرا حبـك بـدم الشرايئيـن=القلـب دارك والشرايئيـن مجـراك
ونبض الغلا لك في عـداد الملاييـن=وشوفك مناي ومنوت القلب لامـاك
بس أتلمس رغبتك والرضـا ويـن=أهم أحاجه عندنـا غايـت أرضـاك
حتى الخطا لو تقلبه صـح راضيـن=نشوف صحك ونتغاضا عن أخطـاك
من أين ماتمشي على رضاك ماشين=لو أنت تاطا نار نمشـي باممشـاك
أثر الغـلا حاكـم وسيف(ن)بحديـن=.وموتآ لو أنك ماتجي ديرتـه جـاك
جاك الغلا اللي واضحـن بالعناويـن=بسطور شعـرآ تفتخربـك وتزهـاك
لنك زعيـم الزيـن ياقايـد الزيـن=وبالزين كل البيض خلفـك ويمنـاك
يومين عني غيبتـك تقـل شهريـن=ضايق وكنـي فـوق نـار أتحـراك
مثل السجين اللي قضى بسجنه سنين=ماشاف عفوا ولا من المـوت فكـاك
أو مثل من حيـه جميـع متوفيـن=وضاعت حياتـه بيـن ذولا وذولاك
ناسآ عليـه بكـل الوقـات قاسيـن=لا قـال منـا قالـو الـدرب منـاك
من الغيـاب اللـي كوانـي بناريـن=نار الفراق ونـار يازيـن رجـواك[/poem]