[align=center]نظرة في أحوال عالم سنة 2100 ميلادية والتغييرات الفسكلوجية البحتية من المنطلق التربيعي في عالم البنات التكعيبي
وربنا لو حد سأل إيه اللى أنا قولته ده هايبقي يومه فوحلقي غامق لأنى مش عارف انا بقول إيه أساسآ !![/align]
[align=right]البنت : حلوة أوى الجيب والبادي اللى أنتى لابساهم دول يا تيته
تيته : لا حلوة ولا حاجة يا بنتى دي حاجة كده علي قد الحال
البنت : يا تيتة يا شقيه أنتى بس أنتى مش شايفه أنهم موضه قديمة شوية
تيتة : ليكي حق تقولي عليهم موضه قديمة لأن عصرنا كان غير عصركم خالص وموضتنا كانت غير موضتكم خالص وكل حاجة كانت متغيرة عن الزمن ده
فين أيام زمان لما كانت البنت شريفه عفيفة طاهرة مابتعرفشي غير أتناشر شاب بس وعمرها عمرها مابتدي رقم تليفونها غير للى بيمسك إيديها أو بالكتير أو يعنى للى يبوسها
البنت : طب وأنتى بقا يا تيتة أديتي رقم تليفونك لكام واحد غير جدو
تيتة : يا خبر أبيض أنا عمرى ما أديت رقم تليفونى غير لجدك ولتامر وهيثم وهانى وسوسو وميمي وحاتم وسمير ووليد وعلي وعادل بس
البنت : بس !!
تيتة : أه بس .. هو اللى وقع جدك فيا إيه غير أنى شريفه وعفيفة ومابأعرفشي غير عشر شباب بس غير جدك
البنت : عشرة بس يا تيته
تيته : أه يا بنتى عشرة بس .. اللى كانوا بيبوسوا بس يعنى هههههههههه
البنت : هههههههههههه شقية أنتى يا تيتة
تيتة : إإإإإإإإإإإإإيه يلا بقا كان زمان وراح
البنت : بس مالقيتيش بادي أوسع من ده شوية يا تيتا ده موضته بطلت من زمان
تيتة : وأنتوا يا بنات اليومين دول تعرفوا إيه عن الموضة .. طب دا أحنا زمان كانت البنت تلبس أحلي موضه مش زي بنات اليومين دول
البنت : إزاى يا تيتة
تيتة : يعنى يا بنتى أيامنا كانت البنت محترمة .. تلبس البنطلون الساقط المحزق والملزق وتبقي ملعلطة كده وهى ماشية ضاربه زمبلك في وسطها وتلبس البادي واللى مايبانشي منها غير بطنها ونص ضهرها بس
البنت : وهى البنات أيامكم يا تيتة كانت مش بتلبس غير بنطلونات وبس
تيتة: لآ طبعآ يا بنتى كنا بنلبس الجيب الطويل اللى بيبقي فوق الركبة بنص متر علي بادي شفاف علشان الشباب أيامنا كانوا عندهم عمى ألوان فكنا بنساعدهم يشوفوا الألوان إشي أحمر وأخضر ولمونى وأشي من غير الوان خالص
البنت : طب مافرقشي كتير لبسكم يا تيتة عن لبسنا .. أحنا اليومين دول بنلبس جيب زيكم برضه بس مش طويل أوى يا تيتا زى ماكونتوا أنتوا بتلبسوه زمان ايه فوق الروكبة بنص متر دي ههههههههههه
تيتة : أه أنتوا الجيب بتاعكم فوق الوسط بنص متر مش فوق الروكبة والبادي
البنت : بادي إيه يا تيتا البادى ده موضه قديمة مفيش حد بقا بيلبس البادي ده والحاجات الغريبه دي
تيتة : أومال ايه يا بنتى مش بتلبسوا حاجة من فوق؟؟
البنت : لا يا تيتة بنلبس طبعآ
تيتة : بتلبسوا إيه ؟
البنت : كاب يا تيتة هههههههه وفي الشتا بنلبس أيس كاب هى دى الموضه يا تيتة
تيتة : ربنا يديكوا الصحة يا بنتى هههههههههههههه الله يرحم زمان وأيام زمان
زمان كانت كل حاجة فيها بركة كان كيلو اللحمة بستين جنيه وكيلو التفاح الأمريكانى الحمر الحلو ده بتلاتين جنيه كان كل حاجة فيها بركة لكن دلوقتى يا حسرة عليكم وعلي زمانكم
البنت : كيلو اللحمة بستين جنيه بس يا تيتة دا أنتوا كنتوا عايشين أحلي عيشة والحاجة أياميكم كانت برخص التراب
تيتا : أه يا بنتى وكان كل حاجة ليها طعم حتى الأغانى .. ( تيتة تمصمص شفايفها ) .. فين أيام زمان أيام الطرب الأصيل فين أيام محمد فؤاد وعمرو دياب ومصطفي قمر فين أيام سيدات الغناء هيفاء وهبي ونانسي عجرم ياااااااااااااااه كانت أيام وكان فيه طرب اصيل فعلآ مش زى اليومين دول .. كنا بنقعد كده نسمع الأغانى الطويلة للمطربين دول .. الأغنية تيجي كده تلات دقايق وساعات بتبقي اربعه كمان
البنت : يااااااااااااه يا تيتة كان عندكم صبر زمان تسمعوا أغنية تلات واربع دقايق
تيتة : أومال يا بنتى بس كنا بنستمتع بالطرب الصيل فين الغانى بتاعت زمان فين بوس الواوا .. فين بابا أوبح .. فين لما كانت نانسي تجلجل برائعتها حبيبي قرب بص بص بص وفين طشت الغسيل وكان كل الشباب موطيين بيبصوا .. يااااااااااااه راحت كل الحاجات الحلوة دي
البنت : يلا بقا يا تيتة أنتوا هاتاخدوا زمنكم وزمن غيركم يعنى
تيتة : علي رأيك يا بنتى .. بقولك إيه ماتخلي الروبوت بتاعك يروح يجيب اللحمة من عند الجزار أنا بعتله الفين وربعميت جنيه وموصياه علي كيلو لحمة بتلو يبعتهولى عالقمر الصناعى ولسه مابعتهوش
البنت : الروبوت بتاعى بايظ يا تيتة ولولو هايجي يبات معايا النهاردة في أوضتى علشان يصلحهولى
تيتة : لولو مين ؟
البنت : لولو صاحبي في الجامعه يا تيتة هايبات معايا وبالمرة أعمله مساج علشان عنده لمباجو في قفاه
تيتة : مساج ولمباجو برضه يا عفريته ههههههههههه
البنت : أه يا تيتة يا شقية لمباجو هههههههههه وعايزاكى تاخدى ميمي وتروحوا تتفسحوا النهاردة علشان لولو بيتكسف ييجي وأنتى هنا
تيتة : ميمي مين ده يا بنتى
البنت : ميمي أبنى يا تيتة من لولو
تيتة : يوه أنتوا لحقتوا طب مش تصبروا علي نفسكم شوية علي ما تتجوزا ههههههههه أأأأأخ منكم يا بنات اليومين دول متسرعين كده علي طول[/align]
[align=center]ولا عزاء للحبشتكنات[/align]