[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقهرني اللي في شبابه مايفيد ولا يثيب = اللي علوم المرجله مايربطه معها صله
اللي لا جيته تنصحه يضرب على نصحك صليب = ويقول ياشيخ استرح مالي ومال البهذله
ويعجبني اللي في شبابه يلتعب وتقول ذيب = اللي ليا منّه تعب يتعب من اجل المرجله
والمرجله ماهي بسهله دربها دربٍ صعيب = واللاّش يجهل دربها وامّا الكفو ما يجهله
ومن لا جمعها في شبابه ماجمعها فى المشيب = ورجّلٍ بليّا مرجله ماله مكان ومنزله
ماهو غريب الرجْل يعمل لكن الشي الغريب = شخصٍ تعدّى عمره العشرين ويخسّر هله
هذاك في قلبه مرض لكن جعله مايطيب = لا صار ماينفع هله ولا يجيب النفع له
يخسى ترى ماهو رجل أقولها وانا مصيب = ويقلون قولٍ تستحي يالآدمي منه قله
أقولها ولا استحي لا من بعيد ولا قريب = واللّي زعل من كلمتي ما همّني هو وزْعله
اللي ماينفع فى الزمن ودّك عن عيونك يغيب = ياليت يوجد له قطع غيار لجل انبدّله
والمشكله هو كيف عايش يا عجايب يا عجيب = ما حقّه ألاّ من يفجّر فوق راسه قنبله
يقهرْك يوم تعاتبه ويقول انا من وين اجيب = عاطل وما حصّلْتلي عمل على شان أعمله
ياخي ماهو لازم تصير استاذ أو تصبح طبيب= الشغْل واجد ومتوفّر مير عقلك شغْله
شف أي شغله واشتغل ترى الشغل ماهو بعيب = العيب يوم انّك كذا لاشغل ولا مشغله
إليا متى وابوك شايل حملك اصحى يالحبيب = ربّاك واليومه رجل والحمْل عن ضهره شله
إليا متى همّك بقلبه يشتعل مثل اللهيب = ربّاك لجل تساعده واصبحت عنده مشكله
أقل حاجه سد نفسك لا متى وانته عطيب = رجّال طول وعرض فوق الارض عايش مهزله
أنا معك إن الحياه أرزاق وحظوظ ونصيب = لكن سوّ اللي عليك وكل مجهود ابذله
خلّك على الله متّكل أمر الحياه أمرٍ تعيب = واجبك لا تقعد عنه واللي على الله ازهله
إليا تقفّل باب غيره باب واصبر ماتخيب = واعلم بأن أبواب ربّك دوم ماهي مقفله
اغنم شيابك قبل شيبك بكره اتشيب وتعيب = وما انته بفايد تال عمْرك كان مافدت أوّله
يقهرني اللي في شبابه مايفيد ولا يثيب = اللي علوم المرجله مايربطه معها صله
اللي لا جيته تنصحه يضرب على نصحك صليب = ويقول ياشيخ استرح مالي ومال البهذله
ويعجبني اللي في شبابه يلتعب وتقول ذيب = اللي ليا منّه تعب يتعب من اجل المرجله
والمرجله ماهي بسهله دربها دربٍ صعيب = واللاّش يجهل دربها وامّا الكفو مايجهله
ومن لا جمعها في شبابه ما جمعها فى المشيب = ورجْلٍ بليّا مرجله ماله مكان ومنزله[/poem]