السلام عليكم ورحمة الله وبركاته ..
لكل شـاعر بدايه وليس له نهايه الا من قرارات مشاعر لاتملكه ..
اقدم لكم احدى قصائدي او احدى بدايتي اللتي لن ترتقي الى مستوى شعراء وكوكبة غرابيل الشعر ...
وانا بنفسي لن ارتقى مع اخواني وزملائي بالشعر الى ماهم ملوكه من موهبه وابداع ,,
ولكن يكون عبدالمجيد رابح في الانتماء الى هذه الكوكبه منتدى غرابيل واللتي يملك شعراءها
بنك الجزاله ,,,
وانا نقلت لكم القصيده كما هي لانها بدايه والبدايه لايستطيع الشعراء ان يعدل فيها لانها تبقى ذكرى له ,,:واو:
[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="double,4,gray" type=2 line=0 align=center use=ex num="0,black"]
كريـم يابـرق تسابق قنـوفـه=يمطر على الصمان ويسيل واديـه
بيض الغمام اللي تعاقـب ردوفـه=وعقب الجدب تخّضر وتنبت مراعيه
شوفه يسر العين يومـي اشوفـه=واسج رجلـي واتمشـى بحراويـه
اخيرِ من وجه النكـد والحسوفـه=وجه النكد ماحد يبا شوف راعيـه
ضعوف الرجال ومسكنتها الضعوفه=في مجلسه كـل النشامـا تهبيّـه
في مجلسه فيه العلـوم مخلوفه=واعوج لسان ويابسـات ٍ نحاويـه
والقلب الاسود ينقله وسط جوفـه=ومناظـر لوجـه يشبـه مواطيـه
والمصلحه والملعنه مـن وصوفـه=ويشذب عراقيب العرب في حكاويه
ونفسه عن دروب المراجل عزوفه=ضنوة فراش ولالقى من يربيه
وترى السفيه اليوم يلقـى سفوفـه=يمشـي ويلقالـه مسفّه تباريـه
والا الصخي لطيب طالـت كفوفـه=يتعب وطالـت للطويلـه يمانيـه
وراع الشجاعه نجدته من سيوفـه=يروي غليلـه بالملاقـى ويشفيـه
وراع الشكاله مايحسـب الكلوفـه=وراع الوفا دايـم بعيـده هقاويـه
وراع الجمايل ينعـرف بمعروفـه=وراع الحميه ينعرف مـن عوانيـه
وراع الكرم مايجهلونه ضيوفـه=ماصك باب البيت في وجه ناصيه
وراع النمايم ينعرف من وصوفـه=دايم يفـرق بيـن غالـي وغاليـه
وراع الخيانه لـو يكثـر حلوفـه=دم الخيانه جـاري ٍ فـي مجانيـه
وراع الظروف اليوم عذره ضروفـه=واجب على الاجواد ظرفه تراعيـه
وراع الجزاله ينعرف من حروفـه=والشعر فن وحبك وسبك بمعانيـه
وراع الهفوف مصيّفن في هفوفـه=وراع الحفر متربـع ٍ فـي مفاليـه
هذا الزمـن والله يكافـي صدوفـه=كاس ٍ تخالـط فيـه مـره وحاليـه
الضلع عقب الذيب يقنـب خروفـه=والبوم قدم الحر ينفخ علابيه
ويمنى بلايسـرى تراهـا معكوفـه=قد قالها قبلي السديـري وانااتليـه [/poem]
اخوكم /
عبد المجيد بن محمد بن عريج