السلام عليكم ورحمه الله وبركاته
صراحه القصايد احيان تنهال واحيان ادورها وماالقاها ...
موضوع القصيده شخص احترمه وغالي وجه لي مزحه وهي كلمه عاديه لكن هيضت القريحه وجزمت بكتابه قصيده ربما استغرق وقتها دقايق معدوده لذا اعذروني على القصور ....
.
.
[poem=font="Simplified Arabic,5,orange,bold,normal" bkcolor="teal" bkimage="" border="double,4,sienna" type=1 line=0 align=center use=ex num="0,black"]
ادري ترى للمزح عده قوانين=لكن مع الاصحاب للمزح قانون
اللي جهل عرفك يجيلك بثنتين=تكفي عن الفينه من اللي يعرفون
واللي يعرفك صاحبك عارفك زين=يقصر عن الزله ويمزح وبالهون
اقولها والناس فلمزح نوعين=احد ٍ يمشيها واحد صار مغبون
احد يسامح لجل ناس عزيزين=واحدٍ يصيبه هم وشكوك وطعون
شفت الفوارق كيف فالناس شكلين=بالعون شفت الفرق ياصاح بالعون
وجهت لي كلمه ضعيف ومسكين=وقلت العتيبي راح دوره ومالون
هنا وقفت وعزه النفس يازين=قامت تخالج داخلي فوق غليون
وبرقت فيك وقلت يمكن على الدين=كلمه وراحت قبلها راح مليون
مليون كلمه قالها ناس غالين=ندمح لهم عشان بعدين يدرون
وانا ترى..والله ولي النبيين=مانيب زعلان ٍ ولانيب مشحون
لكن مثال ان قيل شعر ودواوين=مثل مقال اللي هواجيس وضنون
اخذ الكلام وزبده الهرج يازين=واترك كلام ٍ فيه قال ويقولون
ولاجات لي زله من اصحاب غالين=ادمح لهم زله على شان يدرون[/poem]
لــكــم كــل الاحــتـــرام
محمد بن نايف